郭柏妍在《夫妻的博弈》中的表现令人惊喜，演活了一个与自己平时形象大相迳庭的角色，由《下流上车族》的“芊芊”，变成人人喊打的“绿茶Sherman”。如此巨大的转变，无疑令观众留下深刻的印象。

被问到今次角色的突破，郭柏妍在接受《香港01》专访时表示：“我觉得到差好远嘅，其实同我本人都差好远，唔单单系芊芊。因为我觉得芊芊𠮶时嘅我系更加贴近我自己嘅，因为能屈能伸啲，遇到挫折唔怕，或者系遇强越强。”

心理思想由陌生到理解

然而，郭柏妍在《夫妻的博弈》中的角色却是一个彻头彻尾的坏人。“呢个角色我自己觉得比起我以往嘅角色都比较复杂少少，同埋系做一个真系坏人。今次系差唔多横跨25集，我都可以话系一个坏人嚟，害高Ling（高海宁）、害Ssnna，但我哋表面上系一个好好嘅闺蜜，实际上我系不断咁害佢，仲利用好多身边嘅人去完成佢自己嘅嘢。”除了陷害闺蜜，角色极度拜金、追求名牌、善于讨好男人的价值观，也让平日生活简单的郭柏妍在前期准备时感到极度吃力。“佢好识得利用自己嘅身体去获取一啲好处，同我自己嘅性格有啲唔系几一样。”

为更了解角色，郭柏妍甚至要在片场私下练习“嗲嗲声”，而在心理代入上，她坦言前期经历了巨大的挣扎：“我自己谂嘢都偏向正面嘅，同佢谂嘅嘢唔一样。人哋一句话‘你有冇事呀’，佢脑入面可能会谂好多唔同嘅嘢：呢个人系边个？点解同我讲有冇事？我点样可以利用呢句‘有冇事’去令自己有好处呢？但系我嘅话就系冇事。所以前期去适应呢个角色嘅时候，我会比较吃力少少。”

但正是这种思想上的碰撞，让她对所谓的“绿茶”有了全新的理解与反思。“反而做咗呢个角色之后会明白，其实呢个角色畀咗我好多启发。有时呢个环境点解会有一个咁样嘅人，其实可能佢嘅成长背景，系一个单亲嘅家庭，可能佢嘅世界就系一定要力争上游，或者系‘我喺悬崖边，有一束救命草，我可以捉住，我当然一定要捉住’。我觉得呢个系唔可以全怪佢唔啱嘅。”

工作环境遇上绿茶

既然在戏中将“绿茶”演得入木三分，那么在现实的工作环境中，郭柏妍又有否遇到过类似的人？对此，她坦言：“工作环境……点都会有类似呢啲嘅女仔的人，但系有时见到都冇理，即系有，我都冇办法，因为控制唔到人哋讲嘅嘢或者做嘅嘢，我只会做好我自己。”

郭柏妍自爆曾被不友善对待

谈及自己过往被“绿茶”或不友善对待的经历，郭柏妍回忆起小时候在补习班的一段往事：“好细个嘅时候，试过返一啲补习班，可能佢唔知点解会踢我书包，然后我就唔知有咩嘢得罪佢，其实我都好少同𠮶个人讲嘢，然后佢就会踢我书包。好彩佢系踢我书包，佢唔系打我。以前真系会好唔开心，点解佢要咁做？同埋佢喺其他人面前又唔会对我差，但佢就会做呢啲嘢令到你唔好受。”

价值观可以选择

自从演了这个角色，现在的郭柏妍反而对这种人有另一种看法：“可能佢嘅背景，佢一定有原因去做呢啲嘢，但我唔去考究喇。既然佢系咁，我又好难去改变一个人，那就自己嘅心态调整，可能佢有些难处。”

在剧中，角色为了攀附权贵不惜在酒局上被摸大腿、出卖肉体；而在现实职场中，面对各种选择，郭柏妍有着非常明确的底线与价值观：“我觉得呢个系选择，真系睇一个人点样拣。即系就算佢系单亲家庭，如果佢转一转个想法嘅话，点解唔可以谂‘就算我系单亲家庭又点呢？我唔一定要去害人嘅’。其实大家都喺不幸中，点解唔可以互相扶持去成就大家更加好呢？与其不断追随着一个人嘅步伐，点解唔走自己嘅路呢？”