HOY选秀节目《我要做主播》即将播映，节目邀来多位前主播担任导师及评审，昨日（20日）张文采、林小珍、麦诗敏、伍家谦、余琦琪、丘静雯就齐齐现身记者会，其中前三位接受《01娱乐》访问，张文采直言：“点解呢个节目咁耐先至有？应该一早要有一个主播真人show啦！”她们希望透过节目，打破外间对“主播是花瓶”的误解，笑言主播真实生活与剧集所呈现的有很大分别。此外，早前网上有自称幕后人员爆料指节目有内定之嫌，林小珍就详尽拆解是次节目的评分制度，强调评分前冇收到任何指示，力证公平公正，更齐声表示观众看下去的话，都一定会觉得赛果绝对合理：“继续睇落去就知道我哋有冇造马！”

六位主播：

林小珍盼打破“主播是花瓶”迷思　麦诗敏指主播日常与剧集大不同

三位前无线新闻主播林小珍、张文采及麦诗敏受访时，先分享在今次节目的岗位，张文采、麦诗敏既是评审也是导师，而林小珍则是评审。张文采直言主播唔易做：“我一知道有呢个节目嘅时候，我都同屋企人讲，点解呢个节目咁耐先至有？应该一早要有一个主播真人show，应该一早要有，我觉得好多观众对于主播呢个职业系好多迷思，好多唔知佢哋背后系做啲乜嘢，我觉得呢个节目系一个好好嘅机会等大众可以了解多啲我哋嘅工作。”林小珍亦附和：“太多幻想喇！对主播太多幻想，但系主播真系唔系花瓶！要改一改主播嘅睇法。”麦诗敏讲到有剧集以主播为主题，但与真实情况有分别，希望真人骚令观众更了解：“之前有啲主播嘅节目或者剧集，但系真人show系好唔同，好真实𠮶一面可以睇到，好多突发嘢都可以出现，我觉得系更加真实更加紧张刺激，大家真系要留意吓！”

挑选主播重基本功　麦诗敏指执生能力最关键

谈到挑选主播的条件，林小珍认为大方得体、语言技巧及应变能力最为重要，公信力则需靠时间慢慢浸淫出来；张文采则著重基本功，要求发音准确、咬字清晰兼做足预备功夫：“一定要做好多预备功夫，你可能练咗好耐，但系上台嘅时候你一怯，所有练习嘅嘢就可能会白费咗，所以你预备得越多，心情会更加放松一啲嘅话，咁样反而更加好。”而麦诗敏则认为“执生”能力是核心，因为直播就是会有很多意想不到的突发状况，正考参赛者的表现，并预告：“节目入面有一个环节又系有啲类似嘅情况，有啲主播要模拟做一个直播，咁啱到我𠮶个环节……我卖少少关子，系发生咗啲非常突发嘅事件，都好考参赛者应变能力，我觉得当时参赛者都处理得唔错，观众到时可以了解吓发生咩事。”

张文采见证参赛者成长　淘汰赛制残忍难下手：冇一个Hea做

预告片中所见有不少参赛者痛哭，而张文采早前在社交平台大呻左右做人难，每次淘汰都很难下手，她指因为自己由参赛者还是“白纸”时已担任导师，随著拍摄看着他们成长并建立感情，不知不觉把自己都当成其中一分子，故面对残忍的淘汰赛制时感到非常艰难：“有一啲赛制系好残忍，有时我都落唔到手，因为讲真我觉得佢哋个个都好值得一个位置，见到佢哋真系冇乜边个话系唔努力、边个系Hea做，都冇，真系好勤力啰见到佢哋。”她不便剧透赛制内容，麦诗敏就简短说：“有啲譬如二选一一定要拣一个𠮶啲啦，其实系几难拣嘅，手背又系肉，手掌又系肉㖞。”而林小珍庆幸自己较迟加入，未有培养太深感情，所以可以客观地去评分，虽然有时见到有参赛者又靓仔、又幽默都会不舍得淘汰，但还是会根据其表演去逐项评分。问到是哪位参赛者最靓仔，麦诗敏笑谓：“有一个小鲜肉得21岁！”

反驳造马传闻对参赛者不公　张文采：赛果系好make sense

早前有自称幕后人员在Threads爆料，指节目有内定名单、造马甚至公然作弊情况，张文采坦言有留意相关爆料，但认为此说法对极度努力的参赛者相当不公平：“个节目完全系未出街，因为其实𠮶阵时我知道呢个消息嘅时候，都系拍咗几集㗎咋，我见到佢哋真系好努力，我会觉得观众睇到个结果系好make sense嘅。你真系睇到𠮶日表现比较逊色啲嘅，就真系有机会俾人淘汰，好嘅真系会晋级，可能个结局你会估唔到。”她更喊冤说：“我自己系其中一个评审，有少少觉得，如果你话呢个节目系造马，即系话我呢个评审系造马？即系我系其中一个坏分子？我觉得赛果出到嚟系好make sense。”

林小珍拆解评分制度　强调评审无收任何指示

林小珍也强调：“我哋冇收到任何指示，绝对凭着当日嘅表现，佢嘅状态去评分。”她详尽解释评分的方向和标准：“我哋有分纸，分纸分咗好多个项目咁样，俾我哋评审有个好明确嘅方向，就住言语、写稿能力、谈吐方面逐项比，同埋我哋每一次都唔系一两个评审去评，有几个评审打个平均咁样。所以我哋私底下评审都会拗下，‘唔系㖞，我觉得𠮶个好啲，呢个我觉得真系唔得。’会有啲咁样嘅情况，但系我相信我哋评审𠮶个能力，应该帮助到大家去认识到一个参赛者究竟可唔可以入到，或者系咪需要淘汰。”张文采续说：“其实个结局，相信观众眼睛系雪亮，会睇得到系好公平公正，亦都好合理。”问到觉得爆料人是否真的是节目组人员，麦诗敏直言网络有匿名，任何人都可以扮某人，难以追溯，因此都是“得啖笑”，最重要是她们自己知道节目是公平公正公开。

七主播世纪合照掀回忆　林小珍盼再与众人合作

谈到早前林小珍在社交平台分享七位主播拍摄节目时的合照，包括丘静雯、余琦琪、张文采、林小珍、黄洁慧、麦诗敏以及方健仪，被指是“跨时代世纪合照”，在网络上回响甚大，林小珍：“我哋喺化妆间不停讲旧时啰，讲真我哋真系嚟自⋯⋯（张文采：唔同嘅年代！）我同Akina方健仪比较资深少少，会讲返以前旧时啲嘢。（张文采：多谢你冇纳入我！）我特登唔摆你入去，佢呢啲直头系新生代啊，就算唔同年代都好，我哋都有一种新闻嘅心，𠮶个血肉，会系想希望喺呢一个节目里面，有啲真系有志做主播嘅朋友，可以透过呢一个培养，可以晋身到呢个界别！”小珍在记招上透露自己正为YouTube频道招兵买马，问到现时不再像以前做主播般要保持严肃，几位会否一齐拍生活片，她透露与文采本身是街坊，不时相见，今次在节目与众人聚头后也希望将来再合作。

麦诗敏中大营养硕士毕业　重视健康被张文采大爆早餐食三色豆

讲到麦诗敏刚考获中文大学营养与食品科学技术理学硕士，问到为何有此想法，她笑言：“我本身对营养、健康好有兴趣，如果你识我就知我非常之健康，你知我冰箱入面一定有啲乜嘢吖？”张文采立即抢答爆料：“三色豆！我了解佢，因为以前一齐报新闻嘅时候，我早餐就系食沙嗲牛肉面，佢嘅早餐系三色豆，仲要问我食唔食，我话‘多谢，唔食。’”麦诗敏为“三色豆”平反，指兼具蛋白质与纤维，非常有营养，林小珍问她是净食三色豆与否，她指有其他食物，但原来都是豆，是鹰嘴豆！言归正传，她指自小都对健康课题有兴趣，因此想读专业课程，阔别校园12年与Gen Z们做同学都有点担心，庆幸话题上都融入到，成绩亦不错。至于会否转行做营养师，她就说：“我而家都有做好多健康节目𠮶啲，我觉得点都有帮助，亦都希望可能可以喺唔同嘅平台讲吓或者分享吓自己心得。”