日前元朗发生大狗咬死两只细狗的惨剧，事件迅速引发全城关注与热议。身为资深爱狗之人的艺人赖彦妤，今日（21/8）出席无线热播剧集《夫妻的博弈》宣传活动时，谈及此事亦难掩心痛之情。赖彦妤透露自己一直关注相关新闻，她表示：“我都有留意到啊，见到有狗狗发生意外，其实我自己都好痛心。因为我本身自己都好钟意小动物，我有养过狗狗，跟住又有养过猫猫。”

保护型主人　带宠物出门不敢掉以轻心

作为称职的宠物主人，赖彦妤坦言自己带爱宠外出时属于“保护型”：“平时带佢地出街嘅时候，我自己都好保护型嚟嘅。自己就尽量可能啲狗绳都贴近啲喺个身度，同埋可能佢返啲电梯啊或者有小小罅隙𠮶啲位，我就会抱起佢。”

被问到过往带宠物外出时，有否遇过被大狗威胁的惊险场面，赖彦妤分享了一次难爆的经验：“有啊，因为都有时去狗公园啊或者啲狗狗比较多嘅宠物地方。我只狗狗本身佢就主动会撩人倾偈或者撩其他狗狗倾偈同埋玩𠮶啲嘅，所以都试过可能同有啲比较大型嘅狗狗去玩嘅时候，只狗都唔小心拍到佢。不过后尾见到呢个碰撞嘅时候，就即刻分开咗佢哋，所以其实𠮶次就冇意外发生嘅。”

这次经历也让她害怕不已，感叹主人必须时刻保持警惕：“自此以后都有个意识，就系其实带狗狗出街都真系可能要小心啲保护佢哋，就唔可能放松，或者将佢贴近啲喺个身度，或者真系抱起佢，如果见到有其他狗狗喺身边嘅时候。佢𠮶时返到屋企其实都有小小feel到有啲惊嘅，反而我惊，下一次如果真系再出街有更多狗狗嘅地方嘅时候，就真系睇紧啲。”

呼吁责任心与爱心　提倡防范于未然

对于坊间热议“狗主责任”的问题，赖彦妤十分认同宠物主人需要负起绝对责任：“绝对啦，我觉得狗主作为你嘅小朋友、你嘅宠物，就一定系真系要打醒十二分精神，无论系保护佢嘅安全，定系照顾佢嘅日常生活，我觉得都系需要，因为始终我自己都当咗宠物系小朋友。平时我都会Care佢有咩身体状况，或者每一日嘅饮食，甚至乎都尽量希望教多啲嘢，教佢如果见到第二啲狗狗嘅时候会点样、需要点样做啊，如果吠得太大声或者太热情，我就会教佢可能要退后小小，我觉得真系要当小朋友咁教。”

面对社会上对于涉事犬只处置方式的讨论，赖彦妤深感悲伤：“当然如果意外发生就每个人都唔想，但我自己就觉得，我哋唔可以决定一条生命嘅去留，但我觉得都要去尽力令到个生命唔会有任何嘅死伤、伤亡，我觉得呢个系我哋可以做到嘅嘢。但系如果换个角度，真系要走、真系要令到佢人道毁灭嘅话，系一定会有个好伤心嘅感受喺度，不过每个人都唔想嘅。呢个可能要推进返喺先知嘅时候，如果真系预注意到有啲危险，或者预注意到可能会发生风险嘅时候，就要做风险管理。就尽量照顾多啲佢，比多啲爱啦，大家都一定要保护好自己嘅宠物，同埋比多啲爱佢哋，去陪佢、去教佢。”