游嘉欣今日（21/8）出席无线热播剧集《夫妻的博弈》宣传活动。对于近期深陷整容风波，尽管她早已公开澄清，但仍遭部分网民留言追击，质疑“整咗唔紧要，唔好扮无整，当人XX”。对此，游嘉欣在接受《香港01》访时再次正面回应，展现大方态度。

面对网民的质疑及留言，游嘉欣无奈笑言：“咁都无办法嘅，咁佢哋有佢哋嘅谂法，咁我事实上就系冇，我都改唔到啲咩。我都有Po过一个中学嘅相，咁如果觉得𠮶时候已经有整嘅话，我都无乜所谓嘅，大家就继续讨论啦。”她强调自己是靠努力改善技术来变靓：“我会继续用自己嘅方法变靓，我不断喺度改善紧自己嘅化妆、梳头技巧同埋穿搭，所以希望大家可以用一个努力嘅方法去令自己变靓，唔好一谂就话一定系整容。”

承认曾极端减肥致身体失调

谈及近年颜值的巨大变化，游嘉欣坦言主因是消除了“婴儿肥”。她透露以前的脸颊非常圆润：“我以前块面爆到好似面包超人，但我唔否认自己，我觉得每一个时期嘅自己我都好欣赏。”为了瘦身，她曾采取非常极端的减肥方式：“一开始我最极端，著撒胶裤、戴手套，喺出面跑，返到去焗桑拿，再跳两堂发汗机，之后跑跑步，一个礼拜去四次健身房，𠮶时真系好刻苦。”

然而，极端减肥却导致她身体出现警号：“太极端令我身体唔系好好状况，经期好混乱，要去食西药。食西药𠮶阵系大家见我最胀嘅时间，后来觉得唔需要太催逼自己，放松之后保持正常规律运动，到今日就突然之间真系无晒Baby Fat。”

对目前状态满意　喊话勿低估自身美貌

被问到是否反对整容，游嘉欣持开放态度，但建议大家先试尽自身潜力：“我唔反对，只要自己钟意就得，但我自己觉得做仪器美容暂时已经足够。我会建议大家用尽自己嘅努力去发挥自己最大潜门嘅美貌先，因为你永远都会低估咗自己，当你健完身、减完肥、护完肤，你会发现其实自己已经可以靓咗十倍，整容真系去到最尾最尾先去做。”问到对自己现时状态的满意度，游嘉欣幽默表示：“我都好满意，我谂未到360度无死角，但至少有270度无死角，哈哈！”