TVB选秀节目《中年好声音4》总决赛即将假启德体艺馆举行，终极7强名单包括：尹景顺、吴亦伟、尤淑情、许云妮、许美琪、蔡宓婕和郑家声。马来西亚过江龙尹景顺（Eugene）凭借能完美驾驭男女声及真假音转换自如的超强实力顺利成为三甲大热。面对盲选以来伴随的高人气与网民负评，尹景顺在网上节目《橙色大笨象》专访中展现超然心态，坦言不会勉强任何人接受自己的歌声。

尹景顺看淡网民负评展现超然心态

从盲选演唱《身骑白马》起，他独特的声线既收获无数赞赏，却同时引来部分网民尖酸刻薄的负评。面对两极化的声音，尹景顺展现出超然心态，坦言不会逼任何人听自己唱歌：“我成件事我都睇到好平淡。即系，你钟意，我真系好感激……咁唔钟意我嘅人呢，其实我都唔会逼你去听我唱歌嘅，因为大家都系成年人啦，自己钟唔钟意听，或者喜唔喜欢都系自己要去选择啦，人生系自己，唔需要因为人哋嘅一句话而令自己唔开心。”

重提十年前《华星2》得失心重受打击

尹景顺坦言自己骨子里其实颇为自卑，过去甚至曾建立过“世界上无人会喜欢我”的保护防线，因此只要有一个人支持便已万分感激。他以食嘢作比喻，认为有人喜欢食鱼亦有人喜欢食鸡，无法勉强别人改变喜好。回想十多年前远赴台湾参加《华人星光大道2》时，他曾因得失心太重及外界批评而陷入深刻怀疑，连歌都不想再唱。如今历经岁月洗礼，他已学会放下执念：“𠮶阵听到人哋唔钟意我，或者唔钟意我听歌嘅时候呢，就会好伤心，𠮶阵得失心好重，好好好想赢……长大咗之后发现，点解我要为咗呢啲嘢去整到我自己唔开心呢？因为唱歌始终系我最钟意嘅嘢……点解要因为一次嘅失败，或者一啲人嘅唔钟意，而唔钟意自己呢？……变咗我而家嘅尹景顺啦，即系冇咁容易俾人伤害。”

尹景顺早在十多年前就远赴台湾读书兼发展，他自爆曾因工作问题而患上抑郁症：“我系非常非常之严重，即系我可能一日入边系会谂十几次要点样自残，或者点样去自杀呢件事。咁呢件事发生咗，我觉得咁唔得㖞，咁我要睇医生啦。咁我睇咗医生啦，食咗一日药之后，我又觉得，唔得㖞，呢啲系心理问题嚟嘅，我一定唔可以继续食药。咁我就由台湾呢完全搬返去马来西亚。即系2016年嘅时候啦，我就开始呢，唔畀自己谂咁多嘢。因为我觉得，系好恐怖𠮶种感觉，即系你成日觉得你自己唔想喺呢个世界，𠮶种自卑感。点解会讲2016嘅时候，我同而家嘅心态一样，因为𠮶时候我已经带住我呢个谂法，就系唱好只歌就好啦，比赛呢样嘢，净系要畀大家听到我唱歌。所以我觉得而家嘅我系可以做心理辅导师嘅一个人。因为自己都已经经历过，或者可以讲，已经完全走晒出嚟。不过我系因为有过抑郁症嘅人，其实个底都喺度，有时候我都会几伤心，但系会尝试转念啰。即系谂其他嘢，去搞返好自己嘅心情。”

表面坚强内心感性脆弱“睇卡通片都会喊”

拥有丰富比赛经验的他，如今早已修炼出一颗“百毒不侵”的强大心脏，但坚强背后依然保留著最真挚的感性。尹景顺笑言自己表面上虽然越战越勇，实质上也是个内心脆弱、极易被感动的人，他深情剖白道：“其实我都算非常非常坚强嘅人，但系呢我都系好脆弱嘅人。点解会讲自己好坚强呢？其实好多人表面上越坚强嘅人，其实佢心底就越脆弱，我其实系好钟意喊嘅人，睇卡通片都会喊嘅𠮶种人。”历经十年追梦波折与心理蜕变，如今的他卸下心理负担，准备以最坦然、最享受的心态迎接总决赛之夜。