《中年好声音4登峰之战》（简称：《中声4》决赛）今晚（23日）在启德体艺馆举行，慢歌环节尤淑情、许美琪最后出场，可惜两位都接连失准，先是尤淑情上到台要开口唱歌才发现未带耳机，她说：“Sorry 我冇带到𠮶个ear mon。”最后迟了入歌，虽然最终都有91分，但巫启贤就狠批：“好可惜，其实喺台上， ear mon戴唔好，由得佢！有啲Super model喺台上，高踭鞋断咗唔理佢，照行，正话你一开始打散咗我哋听你唱歌嘅注意力，你亦都打散咗自己唱歌𠮶个专注力！所以成只歌嘅过程，你系一个好好嘅歌手，但系成个过程，系得四个字，力挽狂澜！”不过他之后就再补充，用较轻松的语气表示：“但系都挽得到， OK㖞，唱得好㖞！”

而肥妈亦表示，在台上就必须记住“The Show Must Go On”，尤其现在是直播节目，更要顶硬上：“你唔可以俾人知道同埋话要停一停，冇可能，你一路唱落去一路带， The Show Must Go On，你见到自己唔定，对观众嚟讲又会怯咗，如果你唔系唔记得带ear mon，你可能仲高分。”而车婉婉就安慰她，指台上情况难预计。

至于许美琪，她唱原唱李蕙敏的《你没有好结果》，可惜中间忘词，最终得90分，与郑家声同属暂时最低分。周国丰直指她选歌“唔老黎”：“可惜㗎，前几句我钟意美琪个版本，带走咗，唔会觉得系李蕙敏嘅歌，中间有啲岔子，你要明白，呢首歌好唔老黎！你没有好结果，唔关你事，所以参赛嘅时候唔好拣啲唔老黎嘅歌。”而眼看许美琪沮丧得哭了，张佳添则心痛她并连忙安慰：“我觉得呢个表演都令我哋好深刻，你未必系最高分𠮶个，但系你喊包琪永远都系我心目中嘅喊包琪，你唱完个表情，我心都痛晒，知唔知呀？真嘅，但系今日无疑你把声系略嫌紧张少少，但系我feel到晒你输出嘅情感，完全收到。”