李克勤昨日（23日）重返TVB为大热节目《中年好声音4》决赛担任评审，向来对音乐要求极高的李克勤，在点评参赛者时毫不保留，特别提到参赛者尤淑情的表现，直言对其失准感到“有啲可惜”。他指出尤淑情在演唱时犯下了一个可以避免的错误：“真系一个令到人好悯憎嘅错误，几大意嘅问题。佢好唔好彩嘅系𠮶只歌，开头系冇鼓嘅，咁如果开头佢系有一啲节奏畀佢嘅，咁可能佢会handle得比较好。佢𠮶只歌本身全只歌都好难唱，因为张宇生嘅歌好难唱。咁由头到尾，佢都要听得好清楚，好好弹，就算佢头尾带返嘅时候。好明显已经打乱咗𠮶个成个部署啊，咁所以系我冇办法只可以比到高分，咁所以呢个系一个可惜。”

李克勤觉得尤淑情的错可以避免

被问到是否“低级错误”时，李克勤则厚道地表示：“呢个时候我唔想用低级呢个字眼，但系点解要决赛先呢个可以避免嘅错误。呢个系唔讲可以避免，可能系佢人生中其实系得一次嘅啫，咁但系就偏偏喺今日发生，咁但系都唔紧要嘅，因为米已成炊同尘埃落定啦。”

李克勤屡避谈仔仔拍拖

除了精辟点评外，李克勤的家庭生活亦是追访的焦点。对于早前有传其儿子情窦初开，与“声梦小花”姚婥菲传出绯闻，他面对连番追问即煞有介事并多次使出“太极神功”，不断重申：“《中年好声音》呢，就讲返啲《中年好声音》嘅嘢！”他口风极密，仅以严父口吻抛下一句：“呢啲后生仔嘅嘢就后生仔自己解决啦。总之我都系一句，学业为重，读书为重，其他嘢唔搞咁多啦。”坚拒再谈儿子的感情状况，最后抛下一句：“唔鼓励！”

李克勤老婆卢淑仪与车婉婉是闺密

此外，李克勤亦大方提到与节目主持车婉婉的深厚交情。他透露车婉婉是他老婆卢淑仪的闺密，当年二人结婚时，车婉婉更担任姊妹及司仪。李克勤笑言一直有为车婉婉的演出给予意见：“当其时佢做第一季嘅时候，咁大家又分享下，其实你做咩点啊。”看到对方现在如此受欢迎，自己亦替她感到非常开心。