由新世界娱乐呈献《大AL的音乐历程》演唱会日前在数码港商场中央表演场举行，圈中不少好友出席支持，而林宝玉、姚正菁除撑场外，菁菁更首度公开献唱，宝玉自制 Fans 牌成为呢次演唱会焦点！

大AL上台时，好友台下不断欢呼拍掌，一连唱出多首金曲《Golden Slumber》、《 One day》等，台下观众掌声如雷，气氛非常热烈。骚后大AL都感谢各方好友支持举行个唱：“全靠今次主办 Sam 哥、资深音乐人粉哥精心制作及策划，得到多方好有鼎力支持！特别系菁菁做嘉宾，真系估唔到佢初达台版表现非常出色、唱得咁好，除咗演戏之外唱歌都非常了得！其实去到依家呢啲年纪，开骚都似系朋友聚会，大家见吓面重要啲！”

早前透露正上堂学唱歌嘅姚正菁，呢日状态满分，首度公开献唱《亲密爱人》成为全场焦点：“出场前我紧张到震晒，我都好担心唔知大家咩反应，依家感受到上台嘅乐趣，我应该会更加钟意唱歌，亦都明白老师之前教我嘅小技巧！我问宝玉畀几多分我，佢懒神秘唔讲，不过要经理人够严格先有进步嘅空间！”

而同场嘅林宝玉就表示早前二人前往新加坡拍摄，为即将派台新歌拍封面照：“我都乘机影啲靓相，因为其实我稍后时间会经理人、艺人两边走，不过详情就梗系卖个关子先，所以我都要准备做运动，准备以最佳状态去见人！”佢就话呢日姚正菁表演超出佢预料之外，大赞对方系“被爱情耽误”嘅歌手。