年度的选美盛事《2026香港小姐竞选》决赛将至，昨日（24/8）12位候选佳丽齐集尖沙咀出席记者会。其中10号佳丽陈梓颖接受《香港01》访问时，被问到即将要拍摄拉票影片及呼吁朋友投票的准备情况，她笑言目前心态非常随缘。

谈到拉票策略，陈梓颖坦言：“我暂时都未谂到点样呼吁朋友拉票，因为我觉得自己对呢样嘢又唔系话完全冇所谓，我都在意嘅，但我觉得顺其自然啦！我更加享受呢个过程，因为今趟旅程已经学咗好多嘢。我觉得入到嚟已经好勇，最紧要喺台上稳定发挥，到时咩结果都系最好嘅安排。”

穿高跟鞋脚肿苦不堪言 自备“秘密武器”舒缓阵痛

除了备战心态，参选港姐最考验佳丽的莫过于长时间穿著高跟鞋。陈梓颖亦不讳言，大会准备的高跟鞋高度对她来说是一个不小的挑战。

被问到如何应对双脚疲劳，陈梓颖透露早已准备好“救星”：“我都买咗啲脚贴同埋按摩机！因为真系日日穿高跟鞋，脚真系好肿、好紧。暂时就未试过抽筋，因为我地最近练舞之前都会拉筋，都有帮助嘅。”

密集式彩排忙到飞起 搞笑自爆：见佳丽多过见家人

随著决赛日子临近，12位佳丽的日程安排得密密麻麻。陈梓颖透露这两星期的训练非常紧凑，每天都排练至深夜。提到家庭生活，她打趣道：“呢两个星期真系好忙，我哋每日排练都排到凌晨十二点，返到屋企屋企人已经瞓晒，第二朝早出门口𠮶阵，佢哋又未起身！所以暂时真系见11位靓女佳丽多过见爹哋妈咪。不过屋企人都叫我唔好咁紧张，叫我稳定发挥、做返自己就得，冇畀好大压力我。”

出场华丽转圈惊艳全场 临场发挥全凭直觉

在出场环节中，陈梓颖的表现相当吸睛，更在台上大秀“反智转身”摆Pose，展现灵巧一面。被问到是否特意设计动作抢镜，她笑著澄清这完全是临场应变：“其实我系睇紧我要企喺咩位置，点知转咗个靓圈！其实我都真系即兴，因为头先彩排𠮶时都系就咁行出来摆Pose俾大家影相。每次上台都会有啲突发事件，今次个突发事件就系转咗个靓圈出来。”