前无线资深艺人、曾凭《神雕侠侣》“傻姑”一角深得观众喜爱的陈安莹，今早（25/8）特意由内地返港，为香港电台全新电视剧《陪我讲一倾心诊所》开工。该剧旨在透过温馨故事加深社会大众对精神健康的认识与关怀。

专程返港支持新剧 关注大众精神健康

陈安莹接受《香港01》访问时表示，自己现时大部分时间在内地生活，但只要收到适合的剧本或有意义的演出邀请，随时都乐意返港。她提到，精神健康是现代人非常需要重视的课题，希望透过这部作品，能为社会带来更多正能量。

自恃“阿Q精神” 坦然面对演艺事业起伏

入行多年的陈安莹，被问到面对演艺圈的高低起伏时会否感到不开心，她笑言自己性格非常正面，甚至带点“阿Q精神”：“我呢个人就好阿Q嘅，我又唔会会有乜嘢 hard feeling，又唔会乜嘢嘅。譬如有些人话：‘！你高啲好啦！你高啲可能高红！’咁但我会谂，好多人佢哋都未红！我系会咁样嚟到一个思维方式嘅。所以你问我高高低低，我唔觉得自己高高低低啰！”她又感叹：“我觉得做戏……好难揾到一份自己喜爱嘅，仲系工作嚟做嘅时候，我觉得系非常好。同埋好幸运自己系女仔，因为如果是男仔，我觉得坚持性要仲大啰！”

享受慢活不盲目跟风 拒做直播带货

谈到现时在内地的生活状态，陈安莹透露自己过得相当充实，除了参与配音及偶尔接拍短剧外，把大部分时间留给自己。

对于近年不少艺人北上做直播带货，她则表明无意参与：“直播我就冇做啦！我相信你真系要去run佢啰，但我就唔系𠮶啲啰！你谂下啦，我去饮茶啦、打波啦、旅行啦，系咪先？咁你谂下，抛低𠮶啲嘢又唔得，所以好困身，我其实觉得。但我自己最钟意都系拍剧。”

曾试创业知难而退 珍惜现有工作与自由

被问到除了演艺事业外有否考虑发展其他生意，陈安莹坦言以前曾尝试过创业，但发现自己并不适合做生意：“我以前有做过生意嘅，但我发觉我系唔系咁得嘅。因为我觉得系‘力不到不为财’。你投资咗啲嘢，你人唔去睇、唔去跟嘅时候，我觉得系唔得。等于你去做戏，你要投入㗎嘛，你不投入点得呢？所以我觉得真系要放啲时间喺度，哪怕系你做乜嘢都好啦。（有冇戏瘾？）梗系有啦。（无线有冇揾你返去拍剧？）咁又冇听闻有㖞。但我喺出面都有拍吓电影，拍吓港台，呢个可能系以前储落嚟嘅。”

回应AI技术冲击配音界 坚信真人情感不可替代

近年无线开始应用AI技术，甚至有人担心AI会取代配音员及演员的生存空间。主要从事配音工作的陈安莹则对此表现得相当豁达。面对科技发展，她打趣说：“AI唔紧要嘛，AI可能都会有配音嘛，可能都拉到我做嘅，所以唔系一个问题！”当被问到如果AI连语音也能完全模拟时，她自信地表示：“当你会知道真人同AI出来𠮶个分别呢，系真系咁差啲嘅。即系𠮶个情感唔系咁……所以仲可以有得做住嘅，我！”