港台电视剧《陪我讲一倾心诊所》今日（25/8）举行宣传造势活动，前无线资深演员张国强（KK）与吴海昕（Sofiee）在剧中首度合作饰演父女。适逢今日是吴海昕的生日，加上张国强今年恰好迎来入行50周年的重要里程碑，剧组特地在现场准备了精美蛋糕，为两人送上双重惊喜，场面既温馨又热闹。

惊喜蛋糕祝贺双喜临门

吴海昕接受《香港01》访问时开心地表示：“惊喜呀！因为我其实今日开工，跟住我都同佢哋讲我今日大日子，我都咁热爱工作！但我见到𠮶个蛋糕好开心，因为系我好钟意嘅星星格调，佢哋知道我钟意啲少女感嘅蛋糕，好有心呀！系咪暗示我我都仲系少女。”当被问到今年收了多少个生日蛋糕时，她说笑：“今年嘅生日……唔系好多咋，起码都有二十几个啦！”

张国强入行50载感触良多 重返广播道如回到起点

对于入行半世纪，张国强感叹时光飞逝，但心态依然年轻。他回忆起四十年前离开香港电台的往事，如今重返旧地，感到既温馨又充满意义：“眨吓眼，时间真系过得好快，但又觉得好充实。又第五个十年，人生有几多个十年呢？咁而家开始又进军第六个十年，就希望可以向我哋好多年长嘅前辈学习。喺呢50年入面，我觉得好开心同好幸运，虽然有高高低低，你谂吓而家我50年之后仲可以同位‘美少女’一齐做嘢，你话几开心呢！而且系首次合作呀。”

他补充道：“兜兜转转，翻返嚟广播道上，我记得系40年前，即系1986年𠮶时离开，离开430嘅时候，啱啱就喺广播道呢个电视台搬入清水湾，而家好似40年后我返返嚟呢度，又好似有一个新嘅起点，所以都有几深嘅感受。”

吴海昕被张国强眼神深度感染

谈到首次合作演父女，张国强坦言当初得知接演男主角时感到十分惊喜，更打趣表示一开始不敢相信能与年轻貌美的吴海昕合作。而吴海昕则大赞张国强感染力极强，第一天对戏就让她深刻投入角色。张国强笑言：“今次佢哋仲畀个男主角我做，我话：‘唔好呃我呀？真定假呀？我哋个女主角好靓，系咪呀？’我初头都不敢相信呀！”

吴海昕则大赞“爸爸”张国强：“出奇地好呀！第一天已经好有感觉，两个人已经好似父女咁，一返工就‘女女，早晨’咁样。同埋今次KK哥都帮助我好多，因为我以前拍喊戏或者情绪戏之前都会好紧张，但不知点解而家一埋位，我望住佢只眼，我就嚟料啦，就系好舍不得Daddy，所以好大感染力！”她更笑称张国强是“入行50年、实力与颜值兼备嘅超级男演员”。

提到离巢无线，张国强透露约在两、三年前离开TVB，但双方关系依然良好，并以另一种全新的形式继续合作。他指自己离巢后接拍过剧集《执法者们》，虽然属于优酷的作品，但亦有乐小姐（乐易玲）及TVB参与其中，因此自己其实一直都有帮忙拍摄。

谈到为何不选择与无线签长约，张国强坦言主要考虑到个人生活与家庭：“系想用另外一个形式去合作，因为我想自己多啲时间、多啲个人私密空间，同埋屋企人都想我多啲时间陪佢哋。经过好多重嘅考虑之后，我哋觉得用呢个合作方式会比较好啲。”