无线热播剧集《夫妻的博弈》今日（27/8）举行宣传活动。马国明获委以重任，将为即将举行的大型盛事《2026香港小姐竞选决赛》担任司仪，而同场的郭柏妍亦获邀担任大会的表演嘉宾。两人在接受《香港01》访问时，均透露心情极度紧张，马国明更笑言自己紧张到“脚软”。

马国明睽违26年再做司仪 直言“想推都推唔到”

马国明透露，自己刚入行时曾在公司安排下考过司仪，但自此之后足足26年未曾再接触过相关工作。今次突然获邀担任港姐决赛司仪，他坦言内心非常慌张：“系啊！我惊到脚都震埋依家！我当年（艺员训练）班出来𠮶阵呢，我有考过做主持，但考完之后26年都冇揾我做过呢类事，我都唔知点解26年之后会揾我做。我依家惊到脚软，好担心出丑啊！因为首先我冇做司仪嘅经验啦，加上呢个系Live Show，冇得NG，又冇得讲错咗再嚟过。我最惊喺台上突然Dead Air，不知讲乜啰！”

被问到收到邀请时有无考虑过拒绝，马国明无奈笑称：“我系想推嘅！我想推啊，不过推唔到啊！公司话‘你试吓啦！试吓啦！’咁样啰。所以等阵间要仆返去彩排，因为我根本冇时间彩排，时间好紧迫。”

笑言靠陆浩明郑衍峰“打底” 宁愿少讲说话减低出错

港姐问答环节向来最具考验性，马国明坦言这个环节最令人头痛，因为既要帮佳丽，又怕弄巧成拙：“我觉得最难系Q&A个Part。如果我哋三个男仔开Show，大家点样推拉、点样质对方都得，但对住班佳丽你唔会踩佢，你系想帮佢。点样帮佢又唔会帮错手害咗佢？如果佳丽答得好就话冇问题，答得唔好嘅话，我惊我帮佢唔到之余仲害咗佢，人哋可能好想拿奖，结果被你搞到冇奖，责任好大，我依家呼吸都困难啊！”

不过，马国明表示幸好有经验丰富的伙伴同场：“好彩我哋有陆浩明同埋郑衍峰喺度，佢哋两个系最专业嘅司仪，所以我同阿萧（萧正楠）、阿廉（曹永廉）其实都系喺度搞吓气氛、插科打混啫。我唯一嘅一招就系我唔讲嘢，尽量少讲嘢就尽量少错啦！”他更笑言港姐现场居然没有大电视机提示对白，令他压力更大，开玩笑指公司可能是想利用他来制造话题：“可能佢哋想呢个港姐多啲Noise，一出来我被人闹，咪多啲Noise啰！”

郭柏妍佩带耳机上阵求突破

被封为“魔音”的郭柏妍今次亦将以表演嘉宾身分登陆港姐决赛舞台，她坦言自己与马国明一样感到极大压力：“系啊，我都好担心，同马明一样！因为𠮶个Part系Live Show，所以唔可以出错。我以前冇试过喺咁多人面前表演，虽然有试过，但压力唔系集中喺我一个人身上，今次希望到时顺顺利利、平平安安啦，因为台上真系冇人帮到你。”

郭柏妍补充指，为了今次演出已进行多次练习，并会戴上耳机提升歌唱表现：“今次有练习过，希望到时冇乜问题。之前因为冇戴耳机听唔到人哋同自己嘅声音，今次有得戴，期待会有改善！”