关嘉敏（Carman）今日（27/8）现身柴湾，为歌唱比赛《声战 Sonic War 2026》决赛担任揭幕嘉宾。早前她远赴南京参加“南京国际东方舞比赛”，在短时间内备战下，凭借超凡舞蹈底子一举夺得“金、银、铜”三大奖项，赢得大满贯佳绩。今日接受《香港01》受访时，她畅谈远赴南京参赛的经历以及初次接触肚皮舞的感受。

谦称自己仅属“BB班” 赞叹国际大师云集

虽然在比赛中取得三奖的优异成绩，但关嘉敏表现十分谦虚，她透露自己学习肚皮舞的时间其实相当短：“喺经验上面其实我咁样数埋，其实三、四个月左右啦我学咗。咁当然啲高手系更加劲啦，我上次去咗南京𠮶度比赛呢，我见到好多，即系令我大开眼界嘅系，有好多不同嘅大师喺度啦，包括系一啲俄罗斯嘅大师啦，佢又有埃及嘅鼓手呀、乐队呀，跟住仲有包括嚟自中国嘅选手啦、韩国嘅选手啦，哗！真系太厉害啦，简直我觉得我自己真系BB班，我真系BB班！”

谈到能顺利抱走金、银、铜奖项，她笑指全凭运气及分组原因：“真系因为好彩，佢哋一系细过我、一系大过我，唔系我𠮶个年龄层呢。即系如果我系佢哋𠮶个年龄层呢，我实输啦！十几岁都跳得好劲，六十几岁都跳得好劲，所以我都觉得‘哗，好劲’！”

暂无意转型做导师 特意赴韩订制高昂战衣

被问到会否顺势发展肚皮舞事业、转型担任导师时，关嘉敏坦言目前仍以兴趣为主：“我当然系几钟意肚皮舞嘅，我如果有机会都想做导师，但真系仲差一大截啦。我自己都仲要再畀心机啲练，同埋我觉得导师要教人嘛，发挥嘅时间要更加多啦。所以我而家都系暂时为咗一个兴趣去玩，有比赛就玩吓、挑战吓自己咁样啰。”

提到肚皮舞的性感战衣，关嘉敏透露每套服装都价值不菲：“肚皮舞系有钱人玩嘅！买返嚟都唔平，我𠮶啲都5位数，但贵嘅可以去到几万蚊都有！咁当然我而家呢啲BB班唔洗买咁贵啦，但系特登喺韩国订制，佢哋啲料系特别靓啲嘅。即系你著咗上身你好似冇著一样，你会好似郁得好自然，系真系个质地唔同。”

对于每次比赛后战衣会否浪费，她笑言也有考虑过出售二手战衣：“其实我真系觉得好嘥，因为每一次嘅比赛都想有一啲唔同嘅衫，或者系拍短片影相都会靓啲啦，咁就要花费一笔钱。（卖返出去得唔得呀？）可以嘅，有人想买呀？（粉丝想买！）应该我哥哥（谭辉智）想买呀，我今日都有撩佢玩肚皮舞！”