歌手龚柯允与韦雄昨日（27/8）现身柴湾，为歌唱比赛《声战 Sonic War 2026》决赛担任星级评审。两人接受《香港01》访问，大谈对参赛者的要求与评分标准。此外，提到日前《中年好声音4》决赛当晚，参赛者尤淑情因未戴好耳机就遭到现场播出音乐，最终导致表现失准一事，龚柯允亦分享了个人看法及应对耳机的小秘诀。

星级评审现身柴湾 龚柯允韦雄严选歌唱新星

谈及对参赛者的期望与特别要求时，龚柯允直言最看重歌曲的演绎能力：“我自己系希望佢哋系演绎到𠮶首歌系有自己嘅味道嘅。因为通常歌唱比赛都会拣人哋嘅歌嚟翻唱啦，如果系唱返同原唱一模一样我觉得都差少少，所以要有自己嘅特色啦、自己对歌词嘅理解，同埋唱到呢，真系好似讲紧佢自己嘅故事一样。”

韦雄对此亦相当认同，并补充参赛者的热情最为重要：“呢个好紧要，即系好多时你唱人哋啲歌𠮶时会学咗原本歌手，都希望佢有返自己特色，同埋我觉得无论系咩原因嚟参赛都好啦，最紧要系有热情。”

回应《中年好声音4》耳机事故 龚柯允替选手喊不符

提及《中年好声音4》决赛夜上，参赛者尤淑情未戴好耳机便已播音乐、致使现场表现失准的意外事件，龚柯允坦言自己过去参赛的年代根本没有耳机可用：“我参加嘅比赛系冇得戴㗎，我哋系要靠喇叭听，其实好多都系咁。所以佢哋其实有得戴，我觉得其实系好著数、好幸运㗎啦。”韦雄亦认同道：“有得戴其实好著数。”

对于大会是否应该等参赛者戴好耳机才播放音乐，龚柯允认为流程上应给予时间：“如果有得戴嘅话呢，咁系真系要等人哋准备好、出到去已经系 ready、standby 企好，OK 先，先可以继续。不过𠮶个情况我唔系太过了解，我要返去睇返先。不过如果大家真系想学习点样用耳机唱live嘅话，其实我觉得最好嘅方法就系我通常自己会偏好戴一边嘅。”

分享舞台唱 Live 秘诀 龚柯允：通常只戴单边耳机

龚柯允更亲自公开了自己在舞台上演唱的经验谈，建议歌手不宜双耳全戴监听器：“我唔会两边都戴晒，因为我觉得一边可以听到自己好清楚，但如果我全部都听到我自己把声呢，其实我会失准㗎。因为我唔知道外边真正嘅声音系咩，可能我会觉得‘哗，自己好舒服唱得好好听’，点知外边系好细声，所以要戴一边，一边听现场，一边听自己把声。”

对于事件是否实属不幸？韦雄直言：“其中live系好多嘢发生紧，好难预计发生啲咩。”龚柯允亦安慰道：“当学习啦，每个人都有成长嘅阶段嘅！”