歌手吴雨霏（Kary）今日（28/8）出席品牌活动，接受《香港01》访问时大方分享家中再添新成员的喜讯。育有三名子女的她，正式宣布成为寄养家庭。对于家中迎来寄养小朋友，Kary与丈夫均表示相当支持与感激，并透露三个孩子对“新成员”关怀备至，让家中热闹又温馨。

决定成为寄养家庭 坦言“放手”最困难

谈及成为寄养妈妈的契机，Kary表示自己与丈夫一向非常喜欢小朋友，经考量后决定伸出援手：“我同先生都好赞成同埋好 support 做呢样嘢，如果我哋有能力可以照顾多一个有需要嘅小朋友，我会想去尽呢个责任。暂时就唔会谂再生，因为要照顾住呢个寄养嘅小朋友。其实对我哋家庭嚟讲，尤其对小朋友系一件好事，佢哋会学识点样去照顾另一个小朋友同埋分享。”

被问到寄养小朋友能照顾多久，Kary表示基于保护私隐不便透露具体年龄与细节，但承诺会尽能力照顾对方至下一个人生阶段。她坦承最难克服的是心态上的舍不得：“其实第一日个小朋友嚟到，我女儿已经喊晒，话可唔可以永远 stay 喺我哋屋企，我已经好心痛。我成日 remind 佢哋，我哋嘅责任就系照顾到佢去另一个人生阶段。头先喺台上面讲到有少少眼湿湿，因为觉得呢样嘢系有一日要面对嘅，就系佢有一日一定会离开我哋屋企。好难放手，但我可以祝福佢去更好嘅地方，现阶段会好好珍惜同佢一齐嘅时间。”

子女不妒忌反争相照顾 坦言家中“无一刻安静”

家中突然多了一名小成员，Kary笑言三个亲生子女完全没有排斥，反而争相帮忙：“我无谂过佢哋咁爱呢个小朋友！虽然最细𠮶个一开始有少少妒忌，但大𠮶两个就日日争住要喂小朋友同埋同佢玩。虽然四个小朋友真系好忙、好吵，完全无一刻系安静嘅，但系好开心、好温馨。”

被问到日后会否考虑正式收养？Kary表示与丈夫曾讨论过，但现阶段会一步一步来，先做好寄养家庭的角色。她亦透露近来有陆续参与音乐工作及推出新歌，虽然四个小朋友让她非常忙碌，但仍会按自己的步调继续发展事业。

回应观塘apm老妇掴女童事件 坦言身为人母极心痛

此外，对于近日观塘apm商场发生老妇当众掌掴女童惹起全城公愤的事件，同为人母的Kary亦有关注相关影片。她心疼地表示：“作为妈妈一定会好心痛，见到咁嘅事发生。我觉得最紧要系安慰返小朋友个心情。”至于带小朋友外出会否担心遇到类似冲突，她则抱持开放态度，不会过分干预小朋友的社交学习，希望孩子能学会如何与人相处。