乐坛天后郑秀文（Sammi）原定举行的演唱会早前因故延期，令不少粉丝大感可惜。近日主办单位正式公布退款安排，并确定演唱会将顺延至明年5月在启德主场馆重开。今晚（28/8）郑秀文以一身时尚造型现身品牌活动，她在接受《香港01》访问时亦有回应演唱会重开的细节，并透露整个合作单位与幕后团队均没有任何变动，向歌迷大派定心丸！

满意补场档期 体贴海外歌迷预订机票

谈到演唱会成功落实于明年5月重开，郑秀文脸上难掩喜悦，她表示最开心的事莫过于能争取到最理想的档期，让歌迷可以方便入场：“补场就5月底啦，三场。我最开心系攞到个档期可以对返晒星期五、六、日，咁歌迷就可以对返唔同嘅日子，呢啲小心思其实都唔容易先揾到呢个档期。”

对于选择在5月举行，郑秀文坦言除了要配合场地排期之外，更重要是考虑到歌迷的需要：“5月做呢个考量除了要排期之外、要等时间之外，同埋我觉得都要畀海外嘅歌迷多啲时间去筹备，甚至香港歌迷都需要时间安排下。海外歌迷更加可能佢要重新筹备买机票啊、订酒店啊，畀啲时间佢哋，等佢哋筹划下先。”

证实合作团队无变动

当被问到先前舞台装置出现技术问题、这次会否重新设计或更换团队时，郑秀文展现出一贯的成熟与包容，并明确指出合作团队完全没有变动：“会唔会换？冇变，冇变！因为其实搬返我哋未做呢个Show 5月再做啰。因为其实所有流程我自己都好满意嘅，所以我觉得会大转或者大变嘅机会真系好微。”

提到之前的突发意外，郑秀文坦言没有人想看到不愉快事件发生，最重要是积极面对：“我觉得唔想嘅意外，其实整个流程大家都好谨慎嘅，听公司嘅同事讲公司都好谨慎，不过有时意外大家都唔想。所以我觉得当意外或者一啲突发情况真系发生咗嘅时候，其实最重要系你点样去面对，同埋你点样让消费者或者观众有一个贴心同温暖嘅补偿，我觉得观众𠮶个考量先系最紧要。”她更感性补充：“第一时间我唔会谂自己话‘哇，摆咗咁多心机好惨’，我系觉得观众好惨！等咗咁耐、花咗咁多心机等睇Sammi个Show，所以今次佢哋呢个答谢会或者收获，对我嚟讲，我要多谢佢哋，真系要多谢。”

会否再加场？笑言体力有限：做完真系会“虚脱”

至于歌迷最关心的“会否考虑加场”问题，郑秀文则抱持开放但审慎的态度，更忍不住大爆金句说笑：“加场？我冇考虑，要睇场馆有冇时间先啦首先，同埋谂下自己嘅体力啦，始终我而家都唔系18岁！做完都真系……好似古仔（古天乐）话咁真系‘虚脱’两个字，佢终于明白做完演唱会几咁虚脱嘅事！所以我保留啦，我呢个Open啦，我又唔拒绝，但又唔话一定会加场，到时睇下点啦！”