47岁无线节目主持陆浩明（6号），昨日（28日）在社交平台公告，早前求婚成功，会跟拍拖14年的模特儿女友陈诗欣拉埋天窗。今日（29日）6号见传媒，大谈求婚时非常紧张，预备好的台词都完全忘记。暂时准备下年在香港摆酒。

求婚大计计划一年

原来求婚大计是几星期前进行，自己都计划了一整年，早已决定在外地旅行时进行，刚好今次选择去马尔代夫，非常浪漫。问到女友可有事前已洞悉异样？“佢话完全唔知，咁我掩饰得好好。”但6号就自爆求婚时非常紧张？比主持任何大骚都要紧张。“做港姐司仪都紧张，但只要准备好就会定落嚟，但唔知点解求婚系特别紧张，由一个月前出机票已经谂，成个旅程要点安排，前一晚直情瞓唔著。”

求婚极紧张似女人生仔

要6号形容那份紧张，媲美做那个大骚？“真系比唔到，我谂好似女人生仔咁紧张。之前准备好求婚一刻讲咩，写埋出嚟，但冇用呀，去到拎戒指跪低一刻，佢已经不停系咁笑，个脑已经空白，𠮶刻我净系讲到嚟紧会照顾你一生一世，愿唔愿意嫁畀我？即系讲到最重要𠮶句。”直至当女友一讲：“I do”6号整个人才松下来。至于本身准备好的内容，只有在婚礼上再分享。

随后，6号便开始筹备正式婚礼的形式及拣日子，暂未定会否旅行结婚，但相信都会在香港摆酒。“我打算下年冬天举行，因为我哋两个都怕热。今晚彩排又会向马国明、萧正楠佢哋取经。”至于会否有生BB打算？“呢个要睇上天安排，我哋都钟意小朋友，唔抗拒嘅。”