昨晚（29/8）举行的《韩国最耀眼香港之星颁奖典礼》，吴家乐与邓兆尊凭网台节目，夺得“最耀眼网络主持”奖项。两位受访时不断自荐，向HoyTV及ViuTV表示自己可以拍处境剧，又可以打Pickleball，要多多合作。

两位主持的节目以爆料见称，问到可会怕焫到不少火头？吴家乐︰“好多人都想我哋毒舌一点，但都要保障朋友，节目叫《娱乐好好玩》，都希望保持初心，听得轻轻松松，嬉笑怒骂。我哋都唔想成日爆料，入行都30年，识咁多人，出到街面阻阻就唔系咁好。”

保持初心　嬉笑怒骂

邓兆尊就坚持节目内，有𠮶样讲𠮶样，不会为流量作嘢。不过都有试过有朋友睇完致电投诉。吴家乐︰“有行内人听完人哋讲，打嚟话我做咩咁样讲呀？我会反问︰‘你一定冇睇晒我哋个节目，你只系听咗人哋讲就打电话嚟，不如你话畀我知边一集边一段话番我知，证明我有错，因为坊间好多标题党，用标党去发酵。”不过杨思琦就曾暗示其节目内容有失实地方。邓兆尊︰“事件已经发酵咗好多十年，拎番出嚟讲时总会有少少出入，唔出奇，我哋会尽量保护大家，无论啱定唔啱，都唔会讲得太过份，情愿对方自己出来解释。”

“景甜事件”冇大不了　邓兆尊︰行内公认知道嘅事

就住近日发生的“景甜事件”，可有刺激到邓兆尊，联想到香港娱圈都有类似事情发生过？邓兆尊︰“冇咩值得爆，呢啲都系行内公认知道嘅事，只系你哋今年先知咁解，因为有个有钱佬出嚟讲，所以我哋都唔会提。”至于讲到要修甲才可以摸胸，兆尊觉得只是价钱问题︰“可能佢再畀高啲价钱就唔使剪呢？”

“五虎”恺威最难约　“五美”独欠彭子晴

上星期，吴家乐前往欣赏古天乐演唱会，让TVB于95年力捧的“五虎”及“五美”，短暂重聚，原来吴家乐一直都想集齐十位聚一聚。吴家乐︰“想趁刘恺威在香港聚一次，佢最难约，本来佢都去睇古生演唱会，但临时有事去唔到。五虎都有机会齐人，五美就难，我哋一直揾唔到彭子晴，因为佢离开呢行都十年，真系揾唔到，曹众都至少知佢喺香港。”当年的“五虎”分别是古天乐、古巨基、刘恺威、吴家乐和何远恒，而“五美”就有傅明宪、曹众、彭子晴、姚莹莹及陈彦行。