已故巨星梅艳芳母亲“梅妈”梅覃美金今日（30日）离世，享年102岁，据了解是进食时突然晕倒，佣人立刻报警，惜返魂乏术。

梅启明与未婚妻May May及友人往医院停尸间认尸，梅妈被黑箱车送走后，梅启明在医院门外见记者，他指自己下午一时多接获记者通知，马上赶往医院，并交代：“而家了解咗，阿妈去域多利亚殓房𠮶边，下一步就要处理阿妈其他嘅问题。”问到梅妈死因，他说：“初步就话佢食嘢哽亲，嚟嘅时间救护员已经急救紧，急救员就话佢冇知觉，冇讲佢食啲乜嘢，工人讲得唔清唔楚，如果真系嘅话要解剖先知。”据悉，抢救时间约半小时，他说：“救护员已经尽咗力，打咗强心针，都系搞唔掂，唔知佢咩病，老人家，走就走。（觉唔觉得好突然？）应该好突然，正常嚟讲应该系有得救，不过就因为冇屋企人喺身边，始终系争啲。”

梅启明指当时只有工人及梅妈在家，他将责任归咎于贴身护士被炒：“阿妈本身有个贴身护士，成日都帮阿妈食药呢样𠮶样，今日我先讲，你哋都知发生咩事，炒咗个护士，我姪仔炒咗个护士，封锁晒所有电话，所有消息封锁晒，所以今日先至知道呢件咁嘅事发生，好奇怪。（你照顾系咪会好啲？）咁一定啦！”他续说：“本身起居饮食同埋食药，点样有咩问题，都第一时间知，同埋佢一路住开圣保禄医院，有专家有专科医生喺佢身边，一定就唔会发生咁嘅事，我希望阿妈去到105 岁，难听啲，佢有咁嘅能力，但系呢个意外冇得讲。”

梅启明指，上次与梅妈见面已是两年前，谁知再见已在停尸间，问到再见梅妈有什么说话跟对方说？他表示：“好多，佢要听嘅都听晒，但系我觉得老人家都OK，走得几安详，我都希望佢开开心心咁走，唔希望喺佢身边讲咁多废话，佢要知嘅嘢一早知亦都心中有数，而家更加知啦，举头三尺有神明！而家佢做咗半个神仙，系咪咁讲。（两年几冇见，临终前都冇和解，会唔会觉得遗憾？）有冇和解呢样嘢，根本我同阿妈系冇嘢，母子有咩隔夜仇？护士见到我都第一时间同我讲话你快啲揾阿妈，阿妈要见你，但所有电话都封锁晒，唔知佢匿咗喺边度。”被问可知梅妈有什么遗愿，他说：“心愿就系个个平平安安健健康康，老人家嘅心愿最主要就系咁，钱银系身外物，有钱又咁过，冇钱又咁过。”