已故巨星梅艳芳母亲“梅妈”梅覃美金今日（8月30日）离世，享年102岁。据悉，有长期病患的覃美金，今早由外佣报警送院，惜返魂乏术。梅启明与未婚妻May May及友人往医院停尸间认尸。梅妈被黑箱车送走后，梅启明在医院门外见记者，并表示会一力承担梅妈身后事。他透露在医院内见到姪仔及其两妹妹，但对方没有打招呼，就连梅妈离世对方都没有通知，要由外人通知：“冇话面唔面左左，总之一句说话，如果你系有分寸嘅话，应该都会打个招呼，应该都点下头，系咪咁讲？完全冇呢样嘢，所以我觉得好心淡，由细讲到大，到今时今刻，呢一刻，你仲要咁样样，你话老人家点安乐？我仲要讲一样嘢，点解你哋个个都冇入去，𠮶个潘小文就走咗入去？呢个系好大问题！呢个立心不良嘅人唔知想搞边科呀讲话难听啲，一路我都觉得呢个人有问题。（你有冇问佢点解喺度？）我直头嗌护士赶佢出去，赶咗佢一次，我话点解佢入咗嚟，兜口兜面行过，我问佢边位嚟？点解入咗嚟？规矩系冇可能咁做，冇晒规矩！又唔知要搞啲乜嘢！”

梅启明盼为梅妈风光大葬

讲到梅妈后事安排，他表示不想火葬：“希望佢安全啲就土葬。”问是否希望由自己负责丧事，他直言：“唔系我想唔想，根本就系我要处理，系咪咁讲？我系唯一一个仔，两个妹又走埋，细佬又走埋，我唔处理边个处理？”对于梅妈曾表示与他断绝母子关系，他强调：“呢样嘢冇得话断唔断绝，一世阿妈就系阿妈，系咪咁讲先？呢啲人哋身边𠮶啲人搞咁多嘢出嚟，唔使讲咁多咁多无谓嘢，最主要就系等阿妈安息，同埋处理佢嘅嘢。”现时他与姪仔关系陷僵局，会否担心两边未能就后事达成共识，他说：“如果佢真系对阿妈好，唔使佢今日咁样走，呢个就系共识，有商有量。老人家走咗你而家嚟共咩识？唔识讲呀真系。”

讲到香港办丧事可能最少都要几万蚊，会否有经济压力，梅启明表示经济状况冇问题，自己一直有工作，盼为梅妈风光大葬，又认为不应用几万蚊去衡量：“几万蚊？根本老人家讲难听啲，几万蚊边度搞得掂？（但你有冇？）几万蚊，我梗系有！正式讲话难听啲，开口都大把人嚟，根本阿妈就唔系用几万蚊去衡量，一个老人家，如果老人家用几万蚊去衡量，当阿梅系咩？（系咪都想风光大葬？）呢样嘢我就要㖞！人一世物一世，老人家食到百几岁，冇理由咁样走咗去。”

梅启明称会动用信托基金：“财政压力我一啲都唔怕负担，正所谓人一世物一世，再加上阿梅留返咁多钱喺度，佢有基金㗎嘛，咁我咪申请基金去处理呢啲嘢，好正常嘅事。最后呢一part，如果基金唔肯去处理，我一定会上法庭！我一定会告到底！”有指若梅妈离世，信托基金款项将全数捐出，梅启明将一蚊也分不到，他对此回应：“而家唔好讲捐唔捐嘅问题，我都话，阿梅临走嘅时间，啲钱捐晒去慈善机构，我好开心，因为佢一路以来都系做善事，慷慨，无论香港或者其他国家发生都好，佢都第一时间去帮，所以啲钱捐去外面我好开心，比慈善机构，可以帮到人，但系如果俾啲立心不良嘅人，我就一啲都唔放过（边个立心不良？）立心不良嘅人好多，屋企人又有，阿梅身边嘅人又有，呢啲唔需要要画公仔画埋条肠，阿妈嘅身后事，我一啲都唔担心呢个问题。”

梅启明透露目前做园艺工作，称：“我都话返嚟咁多年，未停过我嘅工作，系你哋出面啲人传到又话我咁，又话我咁，伸只手问阿妈攞钱，我唔工作点生活到今日？（而家做咩工作？）而家做园艺工作，你睇我晒到咁黑就知。”最后，问梅启明会否禁止姪仔或其他人出席后事，他则大方说：“讲真，到呢一刻，无论仇家好、咩好，任何咩都好，我都会放开，等老人家安息，呢啲系日后嘅事，我亦都唔会阻止。”