上届香港小姐季军袁文静今日（31/8）现身油塘出席《慧妍雅集慈善月饼义卖中秋2026》记者会，亲力亲为参与筹款活动。适逢新一届港姐昨晚顺利诞生，外界关心她卸任后的去向。被问到是否可以“劈炮”唔捞TVB，袁文静接受《香港01》访问时，坦言与TVB还有4年长约，并透露了未来的简单规划。

大方回应“劈炮”传闻：仲有4年合约喺身！

对于卸任后是否代表获得自由身，袁文静笑住澄清：“其实我都觉得几轻松嘅，我都系做返自己㗎嘛。公司都有畀机会我，好似上年中秋节宣传片我都拍咗啦！而且我同TVB仲有4年合约喺身，除咗唔可以私下接广告同拍宣传片，返金融工作教书，又或者创业系可以。”

至于4年后会否续约？现年28岁的她则抱持顺其自然态度：“到时先谂啦！好难讲啊，我都希望可以喺呢一行发展，但都要睇下吓有冇机会，因为我已经28岁了，如果再多5年都唔得，就要考虑下系咪要继续。”

未获安排拍剧 不介意由小角色做起

谈到暂时未有剧集找上门，会否担心坐“冷板凳”？袁文静认为打好基础最重要：“唔会啊！因为我听讲都要去上完训练班先，练吓先可以去拍剧㗎嘛。如果就咁行咗进去拍主角，大家都会好难做，交唔到功夫㗎嘛！我都想由少少角色开始，比多啲时间自己准备。”

面对新一届港姐诞生，外界担心其工作量会被分薄，袁文静则对自己的定位非常有信心：“我觉得其实大家都有自己嘅特色，譬如我就系大家都知我会Rap搞笑，广东话又唔系咁好，我谂应该好少人会同我撞呢个路线！所以都唔会太担心，最紧要做好自己，练好广东话同Keep fit。”