朱凯婷今日（31/8）出席《慧妍雅集慈善月饼义卖中秋2026》记者会。提及刚刚卸任《慧妍雅集》会长一职，并由岑杏贤接棒，朱凯婷表示心情相当轻松，亦对新一届委员会充满信心。

卸任会长心情轻松 赞新团队充满活力

谈及卸任两年的会长职务，朱凯婷接受《香港01》访问时心情非常开心：“我开心啊！因为其实两年真系好快。我记得两年前接任嘅时候呢，其实好紧张，因为都对筹款有期望啦，同埋担心自己唔知做成点。点知第一年顺利过渡之后呢，第二年再做其实就轻松好多。到现在卸任啦，我就祝佢哋加油啦！”

被问到会长一职是否有任期限制，她解释道：“其实我哋冇明文规定究竟可唔可以连续做几多年，但我自己都觉得两年系一个好适当嘅时间。今年我觉得可以给新人试下，我都觉得佢哋好好。我知Jennifer（岑杏贤）同埋Veronica（邵珮诗）都好忙开会，因为要交接好多嘢。佢哋好有energy，我觉得佢哋真系好年轻，所以我都好期待新一代！”

放假多陪家人 计划与女儿出游

卸下会长重任后，朱凯婷表示终于有更多时间照顾家庭与陪伴女儿：“非常之好！因为其实每年呢个交接期都系暑假尾声。咁啱啱呢一年暑假，我都可以抽返多啲时间，陪返我女儿同埋老公去旅行。我谂我呢段时间就会喺工作之外，再陪佢哋两位大人多啲。”

点评港姐决赛赛果 赞佳丽具观众缘

身为港姐出身的朱凯婷，亦有留意刚落幕的香港小姐竞选。她大赞今届制作认真：“我自己一直都有睇，我好喜欢今次嘅制作！因为我好喜欢时装个环节，佢哋穿著毛毛衫，好似喺冰雪嘅地方行出嚟，我觉得个mood好好。”

对于赛果与部分观众的预期有所出入，朱凯婷则大方分享个人看法：“我觉得整体好合理！因为其实女人有时睇完之后，我都觉得位位佳丽都真系好大方得体，行出嚟好有台型，可以代表到我哋香港小姐。我自己原本都好喜欢 2 号同 6 号，我本身 tip 呢三个嘅。我哋做观众真系睇得好投入，自己心目中都会有三甲排名。但我自己系经历过，我当年都系第三名季军，其实选得出来，如果入到三甲，都已经系赢咗！大家就唔需要太著眼喺名次。2 号同 6 号都好有观众缘，我相信佢哋入行之后都会好受欢迎！”