谭凯琪（Zoie）今晚（31/8）现身柴湾支持5岁女儿的表演，见证爱女在舞台上的进步。接受《香港01》受访时，谭凯琪大谈育儿心得及女儿的表演天份，同时亦亲自回应了早前官司的的最新情况，表现相当坦然。

为女儿演出感骄傲

谈到女儿今日的演出，谭凯琪脸上难掩自豪之情。她笑言平时在家中很少见到女儿练歌跳舞，但每次上台表演都令她大惊喜：“当然要嚟支持啦！因为其实如果我问佢‘你喜唔喜欢呀？’佢会话唔喜欢，但帮佢报咗名之后呢，佢喺台上上面就做足晒所有嘢。其实作为父母，都好想睇自己小朋友一年的成果，好似派成绩表咁。平时佢唱歌跳舞我哋睇唔到，唯有喺呢个表演睇下佢平时上堂有冇留意听讲。”

被问到女儿是否有天份，谭凯琪赞不绝口：“我觉得佢超乎预期！由预备班开始，每次学期尾有表演，我从来冇见过佢喺屋企唱过一句歌、跳过一只舞，但到表演嘅时候，佢系最投入𠮶个！连老师、校长都同我讲，话佢好喜欢音乐同跳舞。佢细个𠮶时我真系以为佢好喜欢跳舞，虽然叫佢参加跳舞班佢又未必最喜欢，但都有坚持跳踢跶舞，因为有‘嗒嗒声’佢觉得好过瘾。”

官司未有进展

提到早前向高等法院递交呈请，申请前TVB金牌监制邓特希及其妻子2004年亚洲小姐冠军吕晶晶破产，案件已排期于今年9月8日开庭审理。谭凯琪表示目前并无新突破，一切静待法律程序：“其实日子我都真系唔记得啰！由上次做访问到依家，系冇任何进展同变化嘅，因为都未正式上庭，所以完全冇变化。我哋就系交畀法庭最公平公正咁去处理，我哋都做唔到啲乜嘢。”

问到现时情绪会否平伏不少？谭凯琪大方回应，直言比起金钱损耗，更可惜的是失去了朋友之间的信任：“冇啦，事件都已经系两年前嘅事，我其实完全冇觉得委屈，只系觉得有啲可惜。依家最重要系向前看。”