女团VIVA队长Carina李晞彤昨日（31日）以一身“惊吓”造型现身电台，为她第二首solo作品《半夜跳进你限动》宣传。现场所见，Carina不但冇着靓衫靓鞋，反而以一头发卷、睡衣衬毛毛拖鞋的“包租婆look”到场，完全将屋企搬出街。

造型灵感来自新歌MV

这个“包租婆”造型一出，立刻引来在场工作人员及fans的注目，Carina直言这个idea是她自己度出来，“今日决定用呢个look去电台，全因为要呼应番新歌MV入面嘅造型，不过我今日系‘靓版’！因为我觉得MV里面全部卷起晒个头，真系好似包租婆，所以今日想保留一啲靓少少嘅感觉，等啲DJ同听众对我有个清晰嘅image。”提到着睡衣出街有冇尴尬，Carina笑着说：“我本身唔系一个好在意人哋眼光嘅人，头先搭车过嚟都系呢身打扮，一啲都冇尴尬，仲几舒服添，尤其对毛毛拖鞋，软腍腍。”

感动Fans冒雨守候

电台访问期间，天文台挂起“黄色暴雨警告”，但电台门外依然有数十名忠心fans冒住黄雨守候，为等偶像一面。Carina大为感动，“上次我出solo《让路》又系黄雨，今次《半夜跳进你限动》又系黄雨，真系辛苦晒佢哋！其实我嚟𠮶阵仲系晴天，点知做完访问出番嚟就落雨，真系好希望下次天气好啲，等佢哋唔使淋雨。”她又来不到的fans隔空派定心丸，“知道有啲fans嚟唔到好唔开心，唔使失望，将来仲有好多机会见面，大家要好好休息呀！”

新歌探讨IG暧昧

提到新歌主题围绕社交媒体的暧昧游戏，Carina自认“IG爱好者”，平时有留意朋友间的story，“我觉得用呢种方式表达心意好婉转，但又会俾你发现到，好有情趣，系呢个年代独有嘅浪漫。以前啲人钟意人straight forward啲。”她又谓希望乐迷听歌时会回忆“以前好细个钟意一个人𠮶种好清涩嘅感觉”，实行用音乐带大家回去那种心动时刻。