已故巨星梅艳芳母亲梅覃美金（梅妈）近日离世，享年102岁。尽管梅妈几年前曾宣布与长子梅启明脱离关系，但近日梅启明仍以儿子身份去医院及殓房进行认尸程序，并在访问中表示“冇得话断唔断绝，一世阿妈就系阿妈”，打算动用“梅艳芳信托基金”为梅妈风光大葬，强调：“最后呢一刻，如果基金唔肯去处理，我一定会上法庭！我一定会告到底！”而与梅艳芳及梅妈有交情的肥妈，近日现身邓兆尊、吴家乐主持的网台节目《娱乐好好玩》时，就对梅启明的行为不意外，爆出梅艳芳生前被梅启明“掠水”的往事，更狠批：“有得cap就cap！佢嘅一生就系点样将呢三个女人，两个家姐一个阿妈，当摇钱树咁摇出嚟。”因此，尽管梅妈与世详辞，肥妈认为都是一个了断：“唔使再俾呢一个败家仔攞佢嚟𢳆。”

肥妈不惊讶梅启明想动用基金　指梅妈离世不用再被败家仔苛索

节目中，讲到梅启明想动用信托基金，肥妈并不意外：“佢不嬲都想用呢个基金㗎啦，葬唔葬都系想用呢个基金！好出奇咩？阿梅在生又话开狗场，我哋大家都知啦，一日都喺度呃阿梅啲钱，阿梅临死嘅时候，就摆基金、摆嘢，但系都阻唔到佢阿妈同佢个大佬，其实咪益晒啲律师咋嘛，系咪？梅妈走都系一件好事，第一，佢已经过百岁，第二，就唔使再俾呢一个败家仔攞佢嚟𢳆。”吴家乐直言，之前梅妈每月领取25万生活费，对很多人而言甚至可能是一年的生活费，肥妈说：“唔好理佢几多钱，呢个人（梅启明）都无止境，佢唔使做㗎嘛，噏吓又有。”她又指梅启明有几个女朋友，一时说再婚，一时又被爆未离婚，“都唔知边个系佢老婆，边个唔系佢老婆。”

质疑梅启明声称风光大葬梅妈志在“Cap水”：理得你帛金黑金黄金

肥妈又提及当年《梅艳芳》电影上映时，梅妈原本已收取版权费，但之后梅启明又称要打官司，以为有得分：“佢成个人生就系点样去攞人哋啲钱，冇谂过自己揾钱，而家佢阿妈死咗，咁佢又话要去攞。”她再就梅启明想攞信托基金发表看法：“生件咁嘅仔，你真系算啦！一个鼎爷个大仔（李泳汉），一个佢，算啦！佢钟意搞咩咪搞咩，搞唔到嘅！”邓兆尊就说：“所以佢而家咪话搞一个风光大葬，喺中间cap水啰，最后一转啰。（吴家乐：帛金都cap埋）”肥妈则精警回应：“佢理得你帛金、黑金、黄金、红金，有得cap就cap！佢嘅一生就系点样将呢三个女人，两个家姐一个阿妈点样𢳆佢哋啲钱，当摇钱树咁摇出嚟。”

爆梅艳芳生前做慈善难逃被梅启明掠水：一世就系点样谂办法呃人

吴家乐问到，以往肥妈见到梅妈不停被梅启明敲诈，会否很火滚，肥妈不讳言：“系呀！梅姐好孝顺，佢阿哥就用梅姐个名，又话开狗房，又话唔知开咩开咩，呃阿梅姐，呃咗几次，后尾俾梅姐发现咗，就唔俾佢，净系俾阿妈，你话梅姐知唔知佢阿妈接济佢（梅启明）呢？都知嘅，佢阿妈又系纵呢个仔纵到黐晒线，我记得有一轮梅妈搞过一个叫中医嘅癌症嘅咩嘢，我哋大家都去帮手捐，卒之出嚟又系佢𠮶个仔攞晒去咋嘛！你呢个男人成日谂啲嘢攞佢阿妈出嚟，用阿梅嘅名就系要呃人，佢呢一世做嘅嘢就系点样谂办法呃人。”

吴家乐也感慨表示，梅妈离世虽然是一个坏消息，但另一个角度也可视为了断。肥妈都同意：“对佢阿妈唔好，但系亦都系一个了断。好惨㗎，阿梅𠮶时，成日有人话你阿哥乜嘢乜嘢，后尾直程大家教佢，有announce过唔认个哥哥㗎嘛，阿梅都做咗，都冇用，但系你合埋只眼佢都仲搞你。咁唔孝顺嘅人！个天都唔帮你呀！”