一代巨星梅艳芳的母亲“梅妈”覃美金日前离世，其长子梅启明随即再度展开争产行动，引来社会及娱乐圈的高度关注。曾在传记电影《梅艳芳》中饰演梅艳芳的女星王丹妮，今日（1/9）出席活动，接受《香港01》访问时被问及此事，坦言收到消息时感到震惊，并以局外人角度发表对梅家争产事件的看法。

王丹妮表示，得知梅妈离世的消息时自己正身在外地，因此感到非常突然：“当然有人，即系有一个好似有点熟悉，但又其实好……真系冇正式见过面嘅。所以𠮶个感觉都几难形容，但当然都会有点震惊𠮶下，因为我唔系喺香港，咁系见到新闻先知嘅，咁就都节哀。”

对于梅启明在母亲离世后随即有动作、企图追讨家产，王丹妮直言自从电影拍摄结束后，自己已很久没有关注梅家的状况：“其实我完咗套电影好耐啦，咁我就冇Follow Up𠮶啲家庭状况、其他嘢嘅。咁所以，我相信所有嘢都一定会有佢最好嘅安排嘅。”

被问到如何看待梅启明屡次因遗产问题闹出风波、会否觉得事情发展至此相当可惜时，王丹妮态度温和且客观，认为自己身为外人，不便过多评论他人家事：“我唔知……我唔知应该点睇㖞，我呢个局外人其实系……唔应该系由我去评论啰，同埋家家有本难念的经，我觉得，即系好似我自己屋企都一定好多大大小小嘅问题，咁所以，解决到当然好啦，但如果唔系，沟通都好重要啦，畀身边嘅人感受到多啲爱，我都觉得系好重要嘅。所以用爱嚟继续宣扬畀身边更多嘅人啰。”