吴若希（Jinny）今日（2/9）出席无线新剧《死有对证》的宣传活动，该剧早在三年前已拍摄完毕，如今终于面世，吴若希在接受《香港01》访问时坦言，由于剧集“封箱”时间太长，自己对剧中的大部分情节已忘记。

事隔三年记忆模糊　睇花絮先知自己有男朋友

吴若希笑言，这部剧集的拍摄时间距离现在实在太久，甚至连自己当时的状况都有点混淆：“好新啊这件事对我来讲，因为我完全唔记得自己拍成点！你谂下，当时应该系生完小朋友冇耐……唔系㖞，我生完好耐啦㖞！乱晒啦！但系有一段时间，所以唔系好记得。”她更透露刚刚在现场观看精华花絮时，自己都感到十分陌生：“头先一边睇花絮，我会谂：‘嗯？呢场戏系讲紧啲咩㗎？点解我唔记得我原来有个人男朋友嘅？’完全冇晒记忆。”

首次饰演死尸感触良多　坦言“做唔到专业死尸”

虽然大部分情节已忘得一干二净，但吴若希表示有几场戏依然印象深刻，特别是自己饰演死尸及剖尸的戏份：“呢场戏真系好深刻，因为真系第一次作为一个死尸咁去见人。通常平时拍死嘅过程，‘啊’一声就死咗啦，但要变成死尸去见人真系第一次。”

她坦言当时躺在解剖台上，看著身边的演员对著她痛哭，心里极难受，甚至忍不住一起流泪，自嘲表现不够专业：“我觉得我作为一条尸，我接受唔到身边人望住我嘅时候系哭。原来我睇住大家哭嘅时候，我自己都会哭，𠮶场戏我其实做得唔好，因为一条尸竟然喺度哭，我觉得好差，当时真系唔系一个专业嘅演员！”

领悟生死观　希望将来告别式“欢笑中进行”

这次的演戏经历亦触发了吴若希对生死的思考。她笑言希望自己将来的告别式可以在轻松欢乐的氛围下进行：“我希望日后我瞓喺棺材入面，大家入嚟瞻仰我遗容嘅时候，可以笑住咁同我讲嘢。可能行过嚟同我讲下笑：‘起身啦！开厂啦！’咁，我会觉得好开心，我唔希望大家望住我嘅时候系喊。我唔想自己作为一条尸，见到大家喊嘅时候，我都会喊。”

不过，经过该次经验后，吴若希笑言自己的“死尸演技”已有大进步：“我话畀你听，我现在有经验啦！我现在系一个专业嘅‘死尸担当’！因为之后拍另一场丧礼戏，我都系要做返死尸瞓喺棺材入面，𠮶场戏我做得非常好，眼都唔眨，直情瞓著咗添！”