杨千嬅今晚（2日）出席时装活动CENTRESTAGE，她指因为本年度焦点人物是与她合作了两次演唱会的时装设计师Kit Wan，故一定要支持，表示：“所有嘢都系Made in Hong Kong，我好戥佢开心，人生有一个自己嘅作品展，今日因为我同佢合作咗两个演唱会，所以我觉得好荣幸，可以同佢share呢个演出。”她更预告，今日的一身造型将会在之后的演唱会再出现，问她可怕提前“剧透”，千嬅就不担心：“冇问题㗎，成日改㗎，一只歌都有70个编曲，到时有啲嘢可以又改，但系呢个我都好戥佢开心嘅，每一个年轻人做创作或者创业都唔容易，要经历好多经验，而佢可以将呢个人生经验摆喺时装我觉得好有意思。”她认为除了音乐、电影、舞台剧可以说话，文创或者设计都一样可以可以表达生活，今次主题亦有不同变异，相当有意思。

千嬅早前举行《Live MY LIVE 1.0》世界巡回演唱会广州站，彩排遇上暴雨要湿住唱，到开骚时更因高温热到头晕及体力不支，需要坐住唱并稍作休息才不至晕倒，事件令不少歌迷大感担心，更有人将焦点放在她的舞台服装上，担心厚重歌衫令她太热，增加中暑风险。千嬅就解释：“大家误解以为我套衫好厚，其实冇，𠮶啲系弹性嘅布，好透气，我老公唔会虐待我嘅！我系有啲晕，咁啱𠮶度比较焗啲，落完雨比较焗啲，变咗有一下晕，但系好快就坐返低，之后喺地下唱完就冇事。”

此外，昔日与千嬅合作《志明与春娇》的余文乐，参加新一季《披荆斩棘》，成为唯一香港代表，千嬅以视像通话方式为他打气，问他为何参赛时，余文乐回答：“我觉得没试过，不一定不适合，想做一些未做过的事情。”千嬅在访问中表示替余文乐感高兴，她说：“佢邀请我去打打气，我觉得每个人人生里面都有唔同嘅轨迹，而佢可以冲破自己去做一啲冇做过嘅嘢，作为认识咁耐嘅朋友系支持吓。”而讲到余文乐7月突然宣布与“皮带大王”千金王棠云离婚，问千嬅可有关心一下对方，千嬅则笑说：“如果真系关心，我就私下关心，唔系咁样喺度问呀嘛？”

更多同场艺人：