时装活动CENTRESTAGE昨晚（2日）在会展举行，当晚主题是本地设计师Kit Wan的作品，曾在演唱会跟她合作的JACE陈凯咏，以一身“蛇妖”的造型亮相，相当贴合她过往的歌曲主题；而同场的Marf邱彦筒则以“豹妹”造型现身，在现场“豹蛇相遇”！

灰色Colour Con配蛇妖造型 展出红馆演唱会歌衫

JACE受访时讲解自己的衣著：“今次参与呢个party就系设计师Kit Wan嘅collection，佢哋有讲少少佢嘅idea，有啲变种人，从一个nature咁样演变出嚟，你觉得我系蛇？定系人？定系咩？可以自己谂吓。”为了更切合主题，JACE亦在化妆上加了小巧思，戴上两种深浅度不同的灰色Colour Con，又感谢Kit Wan在服饰上为她加了为她而设的元素。活动上亦展出了JACE今年2月举办红馆演唱会时，Kit Wan设计的歌衫，表示：“我觉得佢嘅设计系好啱喺好大个台做表演，因为之前演唱会佢都有帮我做一个tailor made嘅衫，一着返呢啲就会觉得系演唱会摆喺入面嘅衫！”

有机会想挑战个人时装品牌 坦言自组音乐公司已很累

JACE过往都有参与形象设计工作，她认为时装能打破想像空间，只要愿意试就会找到更多可能性，问到曾否考虑创立一个个人时装品牌，JACE表示：“我想呀！但系要好叻啰，我而家搞自己嘅音乐事业已经搞紧一个Brand，都搞到好攰咁样，如果要搞Fashion Band要叻啲，要识多啲叻人，自己又多啲叻嘢先做到，但系长远嚟讲好似可以谂吓。”

红馆骚后疯狂去旅行终叉够电 爆金钱哲学：钱唔使唔嚟

早前刚放完大假的JACE坦言放假放得太耐，有点松散，一著靓衫、化靓妆才醒起“原来我可以咁㖞”，她透露完成红馆演唱会后就断断续续香港和外地两边走，有工作就回来，做完又去旅行，吃喝玩乐、阳光海滩都有，有叉够电的感觉，亦有增值自己：“个增值系在于好好感受吓生活嘅节奏，譬如依家终于多返啲时间见吓屋企人，见吓好耐冇见嘅朋友，呢啲佢未必系增值，又未必系玩啲乜嘢，但系有阵时系有空余嘅时间先发现原来好重要嘅嘢。”讲到赚完钱又使，使完钱又赚，活在当下的她更笑说：“人生就系咁，啲钱唔嚟又使唔去，唔使又唔嚟啦，讲埋晒呢啲，系啰，好似系咁样用。”

被讲得多开始萌生移民想法 拒城市化地方：节奏快嘅留畀香港

早前JACE被外界以为移民，她也曾回应指自己会返屋企，而在今次访问中，她就表示：“本来冇呢个打算，但系大家咁样以为之后我又觉得，有冇可能可以多啲喺唔同地方走走又返嚟？好似可以将多啲creative带返返嚟叉吓电，慢慢发现原来咁样嘅节奏系几适合自己嘅。”至于如果移民会拣什么地方，JACE首选有阳光与海滩，不太城市化的地方，并谓：“最城市嘅嘢就留返畀香港就得，始终喺呢度个节奏惯咗好快，去其他地方就可以摊慢啲，但系如果要去节奏快嘅地方，我就会宁愿留喺香港。”

因工作撞期缺席周殷廷演唱会 预告正筹备中小型小搞作

此外，好友周殷廷（YT）上周刚开完红馆演唱会，但台上台下似乎都不见JACE的踪影，她解释正是因为有小搞作准备当中，撞了日子，但希望大家拭目以待：“就系因为我搞𠮶啲小型中型嘅搞作，撞咗期，但系非常之恭喜佢，我睇到好多片，非常恭喜佢。（记者：佢有冇邀请你？）梗系有啦，但系睇唔到真系可惜，撞咗，好快可以同大家讲做紧嘅嘢，但我知道佢都好努力，同埋演出嘅片大家都睇到，都OK，之后等佢得闲啲先！”