《香港01》昨晚（3日）举行十周年庆祝酒会，杨千嬅现身酒会接受访问时，提到十周是一个里程碑，问到千嬅未来十年有什么目标或大计，她坦言：“可能我早十年嘅我仲有啲追求，反而依家去到呢个人生阶段，我展望未来十年真系好简单，唔系话要追啲咩，而系要学识啲咩，例如学识慢活。我好感恩好满足自己得到嘅所有嘢，所以依家真系要追求健康，养生嘅生活，因为我有我嘅家人同小朋友，所以呢样嘢系我生活当中好重要嘅基础。”

提到未来十年要放慢脚步，千嬅表示去到现时的人生阶段每分每秒都很值得珍惜及过得好：“因为好多嘢都唔系必然，所以依家开始一个减数方法去生活，令多啲能量去返自己度，唔好内耗，希望可以多啲陪屋企人，所以其实唔需要话谂太多，依家年代速度太快，太多嘢估计唔到同埋未知数，如果善用未知用作一种好奇心，其实你每一日都可以好唔得闲。追求嘅嘢唔只系工作范围里面，可能系人性里面都有好多嘢去探索吓。”

至于提到巡回演唱会即将于11月完结，千嬅立即搞笑表示：“啲人以为我退休唔做！”千嬅解释今次的巡演跟过去的演出分别很大，需要用到很多能量，所以每场需要的体能都更多，加上为了保持自己的水准，每年只会在十多个城市举行，完成11月的巡演，好好休息后再于明年初重新举行。问到是否想抽更多时间陪伴家人，千嬅透露：“我依家放假都系就我个仔嘅学校时间，都系陪吓屋企人，都会做音乐嘅，因为我好喜欢音乐，咁可能我会反而做唱片或者做吓其他嘅工作，Live嘅演出创作其实都系源于生活，试吓做其他嘢有多啲灵感等自己嘅舞台丰富啲。”