现年72岁的邬友正是海马牌床褥创办人兼七海化工集团主席，太太则是1997年港姐冠军翁嘉穗，年前邬友正频频发文激嬲太太，但两公婆床头打交床尾和，始终恩爱如昔，且经常合体现身公开活动。他们的两位公子邬谟云（Jason）及邬谟风（Kaspar）也非常叻仔，邬谟云更是文武双全，既是金融界专业人士，也是杰出的健力运动员。而邬友正近年除了生意外，还活跃幕前，一圆歌手梦，先是参加《中年好声音4》海选，事前更特意找跟炎明熹的唱歌老师高晨维学唱歌，即使黑雨、骨折都坚持上堂，虽然最后未能晋级，但未有因此盖熄他团演艺火。继早前为真人骚《魔音女团》担任校懂，最近邬友正为宣传其品牌，更亲自落场客串微短剧《魔幻百变床褥》角色，并献唱主题曲。

71岁开始钟意唱歌

邬友正日前与太太翁嘉穗，以及有份参演的“魔音女团”成员和一众台前幕后工作人员，齐齐出席首播晚宴。邬友正今次不仅亲身上阵献出第一次戏剧演出，更首度主唱剧集主题曲。对于踏出勇气的第一步，邬友正接受《娱乐新闻台》采访时直言，背后需要极大的勇气与决心。他回忆道：“我以前系唔唱歌嘅，同埋系唔钟意唱歌嘅。但我71岁𠮶年呢，我发觉原来唱歌对身体好多㖞，咁就开始唱歌啦。愈唱我觉得愈好玩㖞，咁好玩就继续唱落去啦，咁好难得TVB畀个机会我唱首主题曲。我觉得我真系完全踏出咗第一步，同埋啲歌词系完全我上半生嘅歌词嚟，好有意义。”

自爆有过后悔念头

不过，邬友正亦承认曾经有过后悔念头：“当时拍摄嘅时候都有啲后悔，因为我谂下，我系做工厂嘅啫，我使乜嚟拍摄，又搞到自己好尴尬呀、好似好怕丑呀咁样啦，都少少后悔嘅。不过后来谂，我身为呢个品牌嘅创办人，有责任同自己品牌宣传㗎嘛。咁样我觉得，都唔怕，涂足面懵膏，到时觉得唔好睇、有人笑、有人骂都唔紧要，咁就去拍啰！”

盼80岁登启德开骚

成功解锁演员与歌手身份后，邬友正更自信满满地在访问中抛出震撼弹，直言想举办个人的巡回演唱会：“听起来好似好傻、好似发梦咁啦，但我觉得所有奇迹都系由梦想开始嘅。我会努力去做、努力去试，我又唔怕畀人笑，唔怕失败。我最想嘅其实系咁样，因为我知道姜子牙呢，系72岁出来直钩钓鱼，80岁佢先拜相。我依家72岁开始唱歌，希望我80岁𠮶时，可以喺启德登台演唱！”网民非常欣赏邬友正的勇气，留言打气：“期待”、“实现自己梦想，绝对唔系一样可笑的事，而且又不是影响其他人，睇唔到有任何问题”。