陈家乐与汤怡日前获邀出席《香港01》十周年庆祝活动。适逢正值9月开学季，两位星级父母受访时话题自然离不开凑女经，分享女儿开学的爆笑与感动点滴。

女儿开学　汤怡笑言重获“Me Time”

适逢开学季，汤怡的女儿麦紫乔（麦QQ）今年升上K3，她透露女儿早已习惯学校生活，对开学充满期待：“QQ已经K3啦，所以其实再冇啲课前适应班，一嚟就已经返学。我个女其实好期待返学，因为好挂住啲老师同小朋友，所以佢而家系拍拍屁股‘掰掰’，跟住自己行咗入去啦！”汤怡笑言，女儿放假时自己虽想多陪伴，但开学后终于能够重获“Me Time”，做自己想做的事情，心情相当兴奋。

爆女儿“QQ”学校人缘极佳已懂拖手

汤怡更搞笑大爆女儿在学校人缘极佳，并有很多男仔朋友：“佢同我讲‘佢系King，我系Queen’咁样。佢哋仲讲话有拖手㗎！我了解后，其实纯粹系小朋友之间拖手仔，暂时唔想谂太多，等佢再大啲，小学嘅时候先再教佢男女唔好咁轻易咁Close。”被问到老公麦秋成会否醋意大发？汤怡笑言：“我相信佢多多少少都有小小心酸，毕竟系自己个女，会有种‘个女被抢走’嘅感觉，但都要慢慢去沟通同教佢。”此外，汤怡亦透露正忙于为女儿准备小一面试，希望为女儿选择一间读得开心、压力较小的“Happy School”。

陈家乐送女儿上学险爆哭

陈家乐的女儿陈星颐（Camila）刚开始校园生活入读N班，他透露只要过程顺利，接下来将会直接升读，但11月仍要面对K1的面试。提到送女儿上N班的心情，家乐坦言情绪复杂：“有啲感动，又唔可以喊，咁多爸爸妈妈睇住！但我见我个女都几生性，佢分离𠮶下系会喊，但一分离咗，我偷睇佢，佢一分钟之后就已经唔喊，系专登交戏喊畀我睇，我觉得佢都几叻。”陈家乐更表示，自己与太太连诗雅（Shiga）只要有空，都会尽可能亲自接送女儿上下学，“太太可能更勤力啲，凑完返学再去开工。”

陈家乐视乎兴趣

谈到太太连诗雅早前曾透露为女儿安排每星期上足六日兴趣班，陈家乐澄清道：“都系呀，有啲仲系一日两个课程。（很催谷？）其实对佢（女儿）来说唔系上堂，我哋系想睇下佢喜欢玩啲咩，例如去试一下画画、跳舞，主要系畀佢玩同认识新朋友，冇畀佢压力。”

不过，听到汤怡分享女儿在学校与男同学拖手时，陈家乐即时流露出一副“外父上身”的担忧模样。问到以后识男仔是否都要先带回家给他过目？陈家乐直言：“我惊我系呀！唔想系，但又有啲担心自己系。因为我睇得出阿女好钟意黐住啲哥哥玩，譬如我啲朋友、Shiga朋友嘅囝囝，佢都会玩得好开心，返到屋企见唔到仲会挂住提住‘边个哥哥’，起码提一、两个礼拜先会唔记得，所以我都有啲呷醋㗎！”

追生第二胎？陈家乐“不敢答” 汤怡顺其自然

追问两位是否有意“造人”追生第二胎？陈家乐笑言：“随缘啦。（太太连诗雅自爆已有追第二胎计划？）佢有呢个谂法，但未得到我嘅批准。”汤怡对生多一个也表示随缘，谈到之前多次被传疑似有喜？她指著陈家乐：“佢上次真系问我系咪坚，但之后见我一下跳咗落台就知唔系了。（同老公有没有这个想法？）都想嘅，但系呢啲真系讲缘分啰，唔系话想要就有。”