阮嘉敏今日（4/9）出席无线真人骚节目《女神配对计划2》的宣传活动。单身近两年的她，在接受《香港01》访时坦言不介意公开寻觅真爱，更笑言自己在众多参加者中虽然年纪最大，但对自己的吸引力依然充满信心。

对于今次参与配对节目，阮嘉敏坦言十分感激公司的安排。她笑著说：“我唔只攞正牌添啦！你哋成日都话公司唔俾我哋拍拖嘛，我都由Day 1参加呢个节目，同其他人都有话啰：‘公司唔俾我哋拍拖，依家公司出埋骚钱俾我拍拖，帮我招募埋男仔，香港有边间公司会做呢样嘢。”

被问到是否希望尽快脱单，现年35岁的阮嘉敏大方承认自己确实到了适婚年龄，她笑言：“咁我都有咁上下年龄啰，我不过系入面最大个𠮶嘛！同埋实会想拍拖啦，边个唔想拍拖？你放工都想揾个人一齐食饭嘛。”她透露自己已经单身一段时间：“对上一段恋情都差唔多两年前啦，都唔算好长，但都好想拍拖。”

阮嘉敏又分享了自己对于事业与爱情的态度转变。她坦言：“如果喺我以前刚入公司𠮶阵，你问我想唔想拍拖，我会觉得我想将焦点放在工作上，但依家你问我，虽然我喺工作上依然有好多嘢想追求同挑战，但我都想分啲时间去拍拖，系真嘅。”

作为节目中“最年长女神”，被问到会否担心男参赛者被其他年轻女生吸引，阮嘉敏表现得十分豁达：“我又真系冇㖞！因为我哋节目拍到一半有多，我都发现有啲男仔嚟到嘅目标都好明确，好想专一了解某个女仔但可能到后期配对唔成功，又会有转变。今年规则系随时可以转，今日可以系我，明日可以系你，随时转返我都可以，所以我一啲都唔担心。”

至于择偶条件，阮嘉敏表示自己并没有具体设定框架，最重要是看感觉：“其实我冇好特定嘅要求，对外貌又真系冇咩特别要求，工作或者背景我都冇介意过。我都系好讲大家嘅感觉同相处，第一眼见到个感觉对我嚟讲都几重要。”