林盛斌（Bob）今日（4/9）出席无线真人骚《女神配对计划2》的宣传活动。提到好友方力申（小方）近日在内地登台表演期间，疑遭台下观众高举中指挑衅，小方下意识以相同动作回敬，因而引发网络热议。对此，经常出埠登台且经验丰富的Bob在接受《香港01》访问时，亦大方分享了自己的看法。

大赞小方礼貌过人 相信纯属“搞气氛”

Bob透露自己在约一个月前亦曾到访同一场地登台，当时感受到当地观众非常热情、现场气氛极之热烈，除了会不断尖叫外，更会上前拉扯及拥抱。提到小方这次的“中指事件”，Bob表示自己当时不在现场，不清楚具体的实际情况，但他力撑小方性格温和：

“我谂小方咁斯文、咁乖、咁有礼貌嘅人，系唔会做啲乜嘢系好有攻击性或者好有侵略性嘅。纯粹可能人哋同你举中指玩下，佢又同你举中指玩吓，其实都系搞下气氛啫，一定大家都系开心笑吓，应该无火药味。”

他补充指，若当时台下观众确实带有侮辱性或恶意中伤，小方作为主持或表演嘉宾做出反应亦属正常：“如果真系有侮辱性，咁你当时作为表演者，我觉得都好正常，会好自然咁出黎哼一声，或者有啲嘢去回敬你，但我谂小方𠮶吓都系限于意思吓，大家都系玩吓，过吓手势，无事嘅！”

分享应对不礼貌观众心得 善用群众力量化解危机

被问到若自己在登台时遇到真正带有攻击性的观众会如何处理？Bob坦言自己非常幸运，多年来出埠登台遇到的多数是热情的粉丝，最常见也只是合照时被紧紧抱着。不过，若真的遇到极不礼貌的现场状况，他会选择直接而有礼地正面交代：

“首先我好幸运就无乜点样发生过呢啲事。如果即时𠮶吓真系去到咁，我谂我都会同佢讲：‘先生，如果你再继续做呢啲嘢，可能就唔好意思，要麻烦你离开呢个场地，因为咁样好影响我嘅演出同心情，我谂大家都唔想嘅。’我谂其他观众人都会帮手嗌：‘走啦！唔好搞啦！’咁佢自己都会识趣离场。”

自嘲心态面对现场骚 网络攻击一概无视

Bob又笑言自己平日做 Talk Show 时也经常自嘲，故面对台下的即兴互动往往能轻松化解：“我自己有时都会爆吓自己名，讲吓‘龟头Bob’咁。如果台下有观众跟住嗌，我都自嘲咗自己，佢咁样讲我又觉得无乜嘢。实体生活真系好少遇到侵略性嘅人，多数都系喺网络世界，啲人无头像、隐姓埋名写啲攻击性嘅说话，𠮶啲当睇唔到、唔当系咩一回事就得。”