前TVB“打女”杨梓菁（前名杨柳青）淡出幕前一段时间，今日（5/9）难得现身出席时装骚。状态大勇的她接受《香港01》访时分享独力照顾3岁儿子的单亲妈妈日常，亦大方回应之前的健康状况，透露其“甲状腺上眼”病情已经康复，目前已全面停药。

病情严重曾致眼球凸出　停药免上手术台

提及前阵子的健康危机，杨梓菁坦言过去两年经历了人生低谷，因甲状腺上眼而影响外貌及心情，甚至一度将自己“藏起来”不敢见人：“对上𠮶两年就甲状腺上眼，有一只眼球凸咗一半出来，引致到发胖啦，跟住心情好低落，身体又唔好，收埋咗自己。真系有时见到人都仲未系好Ready，死啦，好似有少少收埋咗自己一排。”

幸好经过一段时间的治疗与休养，病情已大幅好转，医生更指她无需接受手术：“完晒食药㗎啦已经，医生话连手术都唔使做！但就有少少大细眼啰，要好落力去睇先会察觉到，都希望佢会再慢慢变返自然啲。最近先开始出返嚟做活动，开始洽谈吓啲戏。”

单亲凑仔大头虾　睇漏通告白跑一趟

除了重投工作，身为单亲妈妈的杨梓菁亦全心照顾刚满3岁的儿子。随著儿子近日开学，她笑言自己仍在努力适应“要陪返学的妈咪”这个新身份，更自爆日前因为大头虾而闹出笑话：“我自己比较钟意工作、拍戏同做生意，变相要好细心咁跟住啲通告。试过睇漏咗一句，跟住去到学校，学校啲人话：‘妈咪，冇抽中你㖞，所以今日你哋唔使嚟㗎。’我就有啲咁嘅大头虾嘢发生。”她透露虽然有妈妈及外佣姐姐帮忙分担照顾重任，但日常既要顾及生意、拍戏又要照顾小朋友，休息时间确实不太足够，需要好好分配时间。

感谢家人全力支持　学会放下坚强示弱

面对患病与独力照顾囝囝的双重压力，杨梓菁特别感谢妈妈与妹妹无条件的陪伴与照顾，让她可以无后顾之忧地发展事业。她亦透露，这次经历让她打破了过往不敢在家人面前展现脆弱的障碍：“屋企人真系承受晒，因为自己𠮶阵时又单亲凑仔，身体又唔好，一定系屋企人去Support。好开心好感激屋企，妹妹同阿妈全力Support，所以我可以好放心咁去搞自己生意同拍返戏。”杨梓菁说：“以前无论感情定对住家人，越系亲嘅人越唔敢Show自己脆弱𠮶面，怕对方担心。但原来如果𠮶啲人系爱你嘅，佢会接受你这一面。这是我这次一个好好的课题同得著。”

经历过健康与生活的转变，杨梓菁对人母这个角色亦有了全新的深刻体会：“做咗妈咪之后发现，你自己真正嘅快乐系重要过一切。因为你唔开心，你个仔系会好直接咁接收你嘅情绪，会影响佢嘅性格同解决事情嘅态度。所以我们做妈咪嘅一定要照顾好自己，自己开心先会影响到身边嘅人。”