ViuTV艺人练美娟（娟姐）与陈俞希（Hailey）日前一同出席《香港01》十周年庆祝活动。两人除了为《香港01》送上生日祝福之外，受访时还默契十足，互动爆笑。

回忆十年前

当被问及十年前各自在做什么时，两人陷入了深思。陈俞希表示：“十年前……我应该已经开始做紧电视，所以呢十年都见证住我哋自己电视台嘅变迁。”而练美娟则回忆起自己当时尚未加入ViuTV：“我𠮶阵应该未未真正入嚟，𠮶时仲睇紧一姐（陈俞希）做节目。谂都冇谂过今日会参与《香港01》十周年嘅生日派对，非常之开心！”

陈俞希抗拒再出写真：“咸丰年前”

笑问曾做过嫩模的陈俞希，适逢十年会否考虑再次推出写真集，纪录自己蜕变？陈俞希怕丑说：“咸丰年前嘅事就唔好提啦！”身旁的练美娟见状即时补刀笑言：“咁妳再出咪唔系咸丰年前嘅事啰！”陈俞希显得抗拒，连声说：“唔会了，唔知点解成日都讲起呢样嘢。”练美娟打趣道：“大家期待下啦，我觉得有机会嘅，佢耳仔软，你哋讲下讲下佢就会做，可能我出先呢？”

练美娟考虑出写真：“好嘢益大家嘛”

陈俞希听到练美娟自告奋勇，即记者上身反问对方：“阿娟，妳减咗肥㖞，会唔会考虑出写真呢？”练美娟大方回应：“会，绝对有机会啊！所以我就谂紧，如果佢唔出就我出啰，冇所谓啰！好嘢益大家嘛！”陈俞希追问是否会泳装示人？练美娟笑称：“唔止，我觉得个尺度可以更阔！我觉得01系可以Carry到！（尺度大到点先？ ）都系艺术嘅欣赏角度啦，期待下啦大家。”

练美娟透露新剧进展

谈及工作近况，练美娟透露最近正忙于拍摄剧集《金秘书为何那样》（港版），进入冲刺紧尾声阶段，希望今年年底，或者明年年初能播出给大家睇，“今次呢个剧组嘅通告都几密集，不过最紧要系大家都拍得好开心，氛围好开心，累唔累都冇乜所谓啦，都值得嘅。”

陈俞希分享马来西亚、泰国拍节目趣事　帮昆虫“执屎”

陈俞希则透露自己即将有一个同动物有关的节目推出，叫《动物义工》，早前特意去了马来西亚和泰国拍摄，内容非常丰富：“因为我哋系去其他地方睇当地报名做动物义工嘅人，节目入面有好多唔同类型嘅动物出现，超多！除咗猫猫狗狗，仲会有大象、老虎、马猴、猩猩，乜嘢动物都有。”

她笑言拍完节目后自己的胆子变大不少：“我拍完之后好似对昆虫类冇咁惊，以前都系惊惊哋，但节目入面要照顾昆虫，帮佢哋拣‘屎’同埋‘蛋’！因为有啲昆虫嘅便便同佢哋产嘅蛋好似，我哋要将啲蛋拣出来，好似拣红豆绿豆咁，真系好考眼力！”至于照顾大只动物，陈俞希则笑称：“大象我哋都系帮佢执屎，同埋整‘车胎’畀佢哋玩！车胎入面要塞好多水果同零食，都几有趣！”