实力派歌手邓小巧日前出席《香港01》十周年庆祝晚会，适逢今年亦是她以歌手身份出道及出碟十周年的大日子，她大感共鸣之余，更率先向歌迷预告正密谋开骚庆祝！小巧向《香港01》送上祝福：“我都系入行10周年，我觉得任何一个嘅事业或者系机构营运嘅公司，可以营运到10年都系一个好大嘅里程碑。祝福《香港01》可以继续越来越多嘅制作，越来越多嘅百足咁多爪同埋生意兴隆！”

贺入行十周年　密谋开骚回顾历程

踏入出道十周年的重要时刻，问到有何大计，小巧即透露下个月将会推出新歌，更惊喜预告有意开Show：“希望今年10年可以开返一个演唱会、音乐会！但系呢一个有待公布，仲系计划紧。因为10年都证明咗系一个好大嘅承诺，对于一个兴趣、一个事业，所以我都几想用一个音乐会去记录下呢10年嘅历程。”

外籍老公关心港闻 夫妻档紧贴世界大事

婚后生活美满的小巧，与外籍老公虽然有著语言与文化差异，但两人依然无所不谈。被问到老公有没有看香港新闻，小巧笑言对方看不懂中文，平时只能看英文版，但两公婆有著独特的资讯交流方式：“最近大家都系会分享好多嘅资讯，例如我喺香港发生咗啲乜，佢喺加拿大有啲咩自然生态嘅灾难啊，我哋两个都几留意世界大事及时事。”

挑战“甜品绝缘体” 恨拍旅游饮食节目

除了唱歌，小巧平时亦热爱在IG拍煮食片分享“喂饲自己系列”，大展贤妻厨艺。她坦言：“煮嘢食同埋唱歌都系我嘅乐趣，从中都揾到我喜欢嘅地方。”不过，原来她不懂煮甜品，她说：“因为我甜品系零！一路冇乜点留意或者钻研甜品呢一样嘢，但都想尝试吓。”她更希望将来有机会做饮食节目主持时，她说：“我想啊！我甚至想去旅行冒险嘅节目都好有兴趣，如果有煮饭都系非常之OK！”