已故巨星梅艳芳母亲梅覃美金（梅妈）上周日离世，虽然梅妈生前曾公开宣布跟大仔梅启明断绝关系，但梅启明则认为：“呢样嘢冇得话断唔断绝，一世阿妈就系阿妈。”并坚持要以儿子身份用梅艳芳信托基金为梅妈风光大葬。今日（6日）梅启明更宣布明天（7日）将会召开记者会，交代梅妈土葬及设灵日子等安排。由于其元配Joey曾公开数落他，并透露不排除去灵堂踩场，记者问到会否担心明天Joey到场，他说：“任何人都唔惊，我行得正企得正！我惊佢咩？”之后他甚至主动提到潘小文及肥妈，强调：“最好同我嗌埋佢出嚟，听日佢冇出现，嗌佢两个收皮！你话俾佢听，我摆定擂台等佢！”

预告记招内容　将交代墓地位置及费用

梅启明预告记招内容：“咪就系讲揾咗地方俾阿妈，同埋喺边度、墓地、几多钱。”他说后事安排一直进行中，问到早前他曾表示未能成功领取梅妈身份证，需循法律途径处理，令后事办理程序或需冻结，如今会否仍在胶著状态，他说：“呢样嘢系唔紧要，我而家已经交由律师处理，律师去处理呢样嘢。”

回应元配Joey指控　称行得正企得正无惧踩场

元配Joey日前向传媒数梅启明不是，轰他抛妻弃子涉嫌犯重婚罪，更惊爆梅妈生前其实是被他抢钱兼“活活吓死”，誓要返港撕破梅启明与二奶真面目，不排除在灵堂当面与二人对质。被问会否怕明日Joey来踩场，他贯彻之前口风：“任何人都唔惊，我行得正企得正！我惊佢咩？佢唔搞事就得，总之任何一方面，佢点样抹黑，夹埋外人讲系冇意思，咩都要讲证据。”

再闹潘小文博流量　扬言：佢出现我就封佢把口

之后梅启明更主动讲起潘小文及肥妈二人，他上次藉传媒对潘小文说：“我嗌佢食屎！食大大笃，一督唔够就大大笃！”问到其实会否担心潘小文与姪仔一方都同样在筹办梅妈丧事，他则再闹：“你个潘小文系乜水？你搞埋咁多嘢，同阿妈喺度影相，系咪收咗人哋利益？系咪博流量？你当然系有目的，你个个都唔去，点解系佢呢？如果佢听日再出现，我就封佢个口！（记者：佢听日嚟就封佢把口？）好呀好呀！我欢迎佢㖭啊，最好嗌埋肥妈嚟㖭啊！肥妈讲啲咩嘢啊？系咪收咗利益？系咪博出位？最好就嚟㖭啊！”

不满肥妈节目言论人身攻击　质疑：系咪收咗人钱抹黑

究竟关肥妈什么事？原来梅启明都留意到早前肥妈在网台节目《娱乐好好玩》的言论，她爆出梅艳芳生前被梅启明“掠水”往事，更狠批：“有得cap就cap！佢嘅一生就系点样将呢三个女人，两个家姐一个阿妈，当摇钱树咁摇出嚟。”、“佢成个人生就系点样去攞人哋啲钱，冇谂过自己揾钱，而家佢阿妈死咗，咁佢又话要去攞。”梅启明指不满肥妈人身攻击自己，再问：“话由细睇到阿梅大，哗，你乜水呀？你点会由细识到阿梅大呀？你唔好噏得就噏啦！你系咪收咗人啲钱呀？喺度抹黑，为咗乜嘢？”

称摆定擂台恭候潘小文肥妈　激动表示：仲冷静？争在未揾桶屎淋佢！

他越讲越激动，更称自己摆定擂台恭候潘小文与肥妈：“最好同我嗌埋佢出嚟！听日佢冇出现，嗌佢两个收皮！你话俾佢听，我摆定擂台等佢，听日唔出嚟，即系佢所有讲嘅嘢系虚！假！为咗自己、为咗博出位，我就会轰炸佢，佢牵涉到人身攻击，侵犯人嘅私隐，唔系噏得出就噏。”当记者叫他不必动气，冷静一点，他更反问：“对呢啲人使乜冷静？我使乜要冷静？见到佢就火爆，仲冷静？争在未揾桶屎淋佢！（记者：肥妈？）边个都系！乱咁噏！佢所讲嘅嘢系人身攻击同埋侵犯私隐，佢系咪想我整张咩佢叹吓？（记者：整咩俾佢叹下？）到时咪知！”