艺人丁子朗（Karl）日前（5日）出席“香港青年时装设计家创作表演赛 2026”（YDC 2026）并担任大会主持。丁子朗透露自己当日行程极为紧密，下午拍完剧后随即赶至现场主持赛事，其后又要赶返电视城继续开工，笑言一天24小时都被工作“occupy（占据）晒”。

丁子朗首次做YDC主持感到相当兴奋

虽然工作排得密密麻麻，但丁子朗坦言能够以主持身份参与YDC感到相当兴奋：“之前睇咗好多年，今次第一次唔系以观众身份，而系以主持身份去Host呢个Show，换个角度睇几紧张又几搞笑，同埋换个角度睇系几紧张。”被问到未能欣赏会否可惜？丁子朗即发挥幽默本色笑言：“其实做主持，做幕后人员，其实我喺后面已经睇晒㗎，即系before佢哋行出嚟嘅时候，我喺后面已经睇晒同咁多位designer倾咗计添，甚至我觉得呢个几好睇㖞。”他更透露在幕后已抢先观赏各设计师作品，亦留了部分设计师的联络方法，希望日后有机会借衫出席活动。

丁子朗解构LOONG9解散真相

另外，谈及《亚洲超星团》而推出的“限定团”LOONG9早前宣布解散，身为战友的丁子朗透露，三、四星期前曾与成员聚餐及了解情况。他表示队友们对于解散的心情相当正面，甚至视之为好消息：“其实对佢哋讲系一个开心事嚟嘅，因为呢一个本身已经系限定团嚟㗎，限定一周年，咁而家已经系限定咗两年定三年，咁所以已经系超出原本嘅时间啦，同埋佢哋喺呢个旅程得著咗好多。而家反而佢哋好似觉得冇咗呢个枷锁咁，有啲就去咗拍剧，有啲拍剧好成功添啦，有啲去咗做model，有啲去咗继续做音乐。咁每一个人嘅方向都唔一样，所以其实好替佢哋开心。”