《香港01》十周年酒会，于9月3日（星期四）假湾仔香港会议展览中心盛大举行，海儿与其“师傅”赛车手卢思豪一同受访，并对《香港01》送上祝福。海儿祝：“《香港01》越来越多读者，大家都睇得开开心心，全部工作人员都健康愉快。”而卢思豪则说：“希望《香港01》可以迈向更多更多个10年，越来越多人睇！”

两位回想十年前都觉得很远，卢思豪指自己当时正努力返工，做与车相关的工作、打拼事业；而海儿当时则应该在大学读音乐。讲到近况，海儿就立即多谢师傅：“我哋啱啱成功《恨驾女团》考咗赛车牌，我哋而家有牌，就可以比赛！希望可以喺年尾之前有多啲师傅教我嘅时间，可以组团去比赛！”卢思豪就表示：“有赛车牌，嚟紧就积极备战澳门，澳门格兰披治大赛车，其实我下个礼拜开始会进入比赛嘅season，希望每一站都成功，可以攞到好成绩！”

对于十年后的期许，海儿盼内在有所提升：“十年因为好远，所以好仔细或者事业上嘅嘢就冇乜谂，反而就系想自己譬如更加开心，每次唔开心嘅时间短咗，更加有自信，可以点样分配人生嘅时间，更识享受人生！”卢思豪则说：“可能大家识我系一个车手嘅身份，我希望十年后我可以真系系一个世界上知名嘅赛车手，系嚟自香港，而家未够。”