王祖蓝和李亚男，带上吴兆麟、刘倬昕、潘静文，走访广西、福州、温哥华三地，拍摄新一辑旅游节目《蓝朋友·旅朋友》，今日（9月9日）5人出席记者会，画面播出王祖蓝向李亚男“二度求婚”相片，唯美又感人！王祖蓝受访透露，他以生蚝代戒指再向老婆求婚，“大家见证住我哋直播求婚嘅经历呀。而且𠮶个岛要用石头（开）呀，咁梗系男人开㗎啦，唔通叫个女人开咩？因为佢指甲咁靓。开完之后我献畀佢啦！”王祖蓝指勾起当年拍拖、新婚回忆；两人又飞到温哥华重现向外父提亲过程，节目中两人大方分享地下情至修成正果过程，“将𠮶阵时地下情嘅成个过程，点样喺𠮶边提亲，成个由头讲返一次啦，基本上大家都唔系话好知啦！”王祖蓝坦言每年都会同TVB合作，因想多陪陪太太，故主力拍综艺节目，“拍剧嘅话等于你会困住三个月、半年。自从以前结婚嘅时候去咗拍部剧，跟住亚男都好惨，新婚好似冇咗个老公咁。”

王祖蓝李亚男笑指5岁细女“恋爱脑”

早前王祖蓝李亚男被拍到机场回港，拖大喼细喼，阿女帮手拎行李，李亚男平时管教女儿有要求，“佢哋都要做吓嘢嘅，有啲适当嘅家务要自己做吓，唔好成日坐喺度，乜都唔做，‘我要饮水！我要呢个’，大小姐咁样唔得㗎！”早前祖蓝爆5岁细女Hayley换咗两个男朋友仔，祖蓝无奈叹细女是“桃花眼、恋爱脑”两人透露平时会笑阿女换男友：“我哋平时都会笑佢：‘哗！而家，呢个新嘅点呀？’跟住佢就话：‘唔好啦！可唔可以请佢嚟Birthday party呀？’其实心底里已经出咗去，听日嫁㗎啦！”祖蓝指对阿女男友外表无要求，“最紧要系佢肯同我哋分享，唔好地下情。”

李亚男买数万蚊美甲套票：你钟意我单纯呀嘛

李亚男曾在上海买数万蚊美甲套票，她笑说：“𠮶阵时谂住定居喺上海，即系比较长嘅一段时间， 计计埋埋呢买套票系抵㗎嘛， 50% off 㖞！咁所以就买咗，点知咁快返咗嚟香港！”王祖蓝叹太太“分分钟俾人Sell咗60万都未定！”王祖蓝最后“嬲唔落”太太，“佢一句讲埋嚟：‘你钟意我单纯呀嘛，单纯就容易俾人呃㗎啦！’ 咁我哋就系一个package嚟嘅。如果你钟意你另一半嘅优点， 佢总会带一个缺点，我钟意佢单纯，咁我就唔可以投诉佢容易俾人呃㗎啦！”