TVB演员吴兆麟在王祖蓝李亚男带领下，与刘倬昕、潘静文拍全新旅游节目《蓝朋友•旅朋友》，走访广西、福州及温哥华。吴兆麟拍摄期间挑战食虫，他坦言虫炸得好酥，“口感好似薯片。”吴兆麟去年爆在港陷“剧荒”，转战内地横店拍短剧一年后爆红，获封“短剧之王”，近来正式回归香港，加入处境喜剧《爱·回家之三代同糖》，大方骚肌引来不俗讨论！

吴兆麟横店拍月接三套短剧 5000蚊日薪

吴兆麟透露“横飘”一年拍廿多部短剧经历，平均一个月不休息的话，他能接两至三套短剧，“一套短剧嘅周期系4、5日，或者7、8日咁样㗎，所以一个月都可以接到两、三套，拍一部剧系大概4、5日左右就拍完㗎啦，但有啲短剧7、8日又有，我接嘅就4、5日比较多。”吴兆麟透露按日计片酬，“我啱啱入去短剧嘅时候，一日揾紧2000蚊。到我慢慢储资歴嘅时候就慢慢再翻倍，4000蚊、5000蚊一日咁样上升，而家头部嘅短剧演员系4、5万一日。因为佢系睇你红果（短剧）嘅数据，你红果嘅粉丝数量越高，咁你嘅报嘅价钱就越高。”

吴兆麟5日拍80集 片场备救心丹：试过拍死人

吴兆麟指内地拍短剧比在TVB更辛苦，日夜颠倒，“4、5日我哋要拍80集，同埋你男主角，差唔多每一场都系你。我试过7点开始拍，拍到第二朝7点收工，然后12点去化妆间再嚟过，所以可能早上8点返到屋企瞓觉，瞓到11点，早上11点就入化妆间，4日、5日都系咁，我哋公司系好好嘅，唔会有咁大嘅强度。咁当然啦，咁样嘅拍法对演员唔健康，因为你个质素出嚟都好唔到去边，你瞓唔到嘅话，但系冇办法，咁你就要要求自己去做得更加好。所以短剧试过拍死人，有㗎！我哋现场有啲救心丹随时畀你食。”吴兆麟表示潮流转趋拍AI短剧，短剧演员开少了工，幸而自己“横飘”得及时，“储到好多（钱），好过香港。”

吴兆麟北上敲门曾被“臭面”

吴兆麟初初北上曾敲导演门求机会，“北京唔系咁好跑组，因为太大啦，我一日可能跑到一个、两个剧组，横店我系一日可以跑到6、7个剧组，同埋唔会重复，所以我觉得横店嘅机遇多过北京好多。”

是否曾被导演“黑面”？他说：“有俾人臭面㗎，有试过㗎！但我面皮厚唔理佢，佢唔用我咪第二个用我啰！但最紧要都系谦虚面对所有人，做演员俾人拒绝系常态。”为回港发展，吴兆麟要退掉横店租屋押金，约1500蚊，“我租金都好平㗎，千几蚊㗎咋，所以生活成本好低㗎啦，千几、两千几蚊就可以租到间唔错嘅Apartment（公寓）。”