曾比特凭其标志性的爆炸头，配上极具爆发力与穿透感的声线，自出道以来便在香港乐坛留下了不可磨灭的印记。从《我不如》的悲情，到《初恋》的轻快，他总能轻易驾驭不同曲风。然而，在经历了内地音乐综艺节目的洗礼，以及与旧东家合约期满的转折后，曾比特迎来了人生与事业的分水岭。

2026年初，曾比特正式宣布加盟英皇娱乐，并带著全新派台作品《雪出个未来》强势回归香港乐坛。这一次，曾比特褪去了一点初出茅庐的青涩，换上了一份历经沉淀后的成熟推出了《你所打的号码暂时未能接通》。接受《香港01》专访时，曾比特毫不保留地分享了这段转会期间的心路历程、真空期的迷惘与坚持，以及为了重新出发而激减40磅的非凡毅力。

演绎不同阶段的痛

新歌《你所打的号码暂时未能接通》单看歌名已充满浓烈的遗憾感。曾比特坦言，一开始团队对于这首歌的方向并未有确切的定案，但最终选择了一首“惨情歌”。然而与初出道时的《我不如》不同，这一次的“惨”不再是单纯的呼天抢地：“可能以前去谂一首惨情歌， 啱啱出道𠮶阵，会觉得就系惨，惨情歌就系惨。咁佢就系失恋嘅呼天抢地式嘅𠮶种悲哀啦，咁我觉得人越大，或者系尤其喺啱啱开始个新嘅旅程嘅时候，咁人都会成熟啲㗎嘛。咁当你一个成年人嘅时候，其实你要经历呢样嘢，你好难去好呼天抢地，同大家讲我有感觉。”曾比特认真地说道，他认为成年人面对失恋或挫折时，往往需要先将痛苦收起，然后慢慢消化，最终才能释放出来。这种情绪的层次感，正是这首歌最大的挑战：“其实可能当刻发生咗之后，你只有可能几秒钟去feel到呢个情绪。其实你身边亦都有好多嘢掩盖佢，所以其实你更加会希望嘅，就系将呢啲嘢快啲过咗佢。但系呢个想法，只不过系你内心其中一个好想做到嘅嘢，但现实生活系尤其系依家呢一个年代，未必咁容易做到。”

曾比特饰演情窦初开纯情男

有趣的是，虽然歌曲探讨的是深沉的痛，但MV拍摄过程却充满笑料。MV中有一幕讲述女主角嘴边沾上了蛋挞碎，曾比特饰演的情窦初开纯情男需要温柔地为她抹去。这个看似纯情的动作，却让自认是“I人”的曾比特频频NG：“女主角嘴边有个蛋挞碎，咁我要撩开佢，跟住之后就好似作状想锡落去咁样。我觉得最大嘅NG位系呢度，因为个蛋挞整极都喺个嘴角度，咁有阵时就摆到好大旧，一拨呢成块就飞走咗。咁有阵时就好细，就黐实晒喺个嘴角，呢个NG最多次。”

曾比特被问到如果现实中发生同样的事情，他会用手还是用口来帮女朋友处理时，笑即言：“好难弯腰条，腰比较紧，同埋我觉得有阵时未必理嘅。你见到可能就轻轻地扫，多个手扫，唔多都算㗎嘛。即系𠮶个Moment，就应该会变咗咁样。”曾比特更指自己不太擅长应付过于亲密的镜头，甚至主动要求导演减少亲密接触，不过他的女朋友则持相反意见，她觉得曾比特在MV中不够放：“佢话你可以再close啲！咁成件事咪会再纯情啲？佢话返我，转头话返畀我知点样去再做得再好啲。”女朋友对他绝对信任，即使与女主角有亲密接触亦不会生气。

转会的抉择：寻找音乐上的百分百契合

谈到今年初转投英皇娱乐，外界有诸多猜测。有人认为是因为旧东家资源分配问题，亦有人揣测是为了更大的市场。面对这些疑问，曾比特表现得相当坦然。他澄清，离开旧公司纯粹是因为合约自然完结，并非外界所想的充满戏剧性：“喺上一份Concert完之后反而有思考，即系自己会思考就系下一步点样做，究竟我继续签公司定系我可以？因为大家都最近都比较流行可能自己做独立，亦都有谂过呢一步，亦都有谂过就系你自己呢个性格，好唔好继续做歌手呢？咁但系呢一个当然好快就打消咗，咁呢几年嘅努力其实就白费咗，咁我就觉得唔系好想。”

曾比特透露，在这段迷惘期，他收到了来自内地和台湾公司的邀请，但他内心始终渴望留在香港，继续唱广东歌：“我觉得可惜嘅系我啲广东歌一路唔够。我想做多啲广东歌，所以最终决定留低。”

而促成他加盟英皇的关键人物，正是英皇高层霍汶希（Mani）。曾比特回忆道，当时与Mani在机缘巧合下认识，双方在音乐理念上一拍即合：“当初可能上一份Contract，自然到期嘅时候，咁我就选择俾自己一个冷静期，先思考一下我到底想做啲乜嘢，或者我想要成为一个点样嘅歌手。呢一个反而都感谢呢一个真空期畀我去重整完之后我知道自己想做啲咩。”

曾比特大方回应旧东家力捧周殷廷

但对于旧东家力捧另一歌手周殷廷的传闻，曾比特大方回应：“每个人都唔同嘅个定位上面，一间公司咁多Artist。每个人𠮶个方向同定位未必一样，咁我觉得当刻嘅Moment， 佢哋嘅决定，亦都有佢哋嘅一个理由。咁it's ok，我觉得就最紧要系我去做好我自己嘅音乐，唱好我自己嘅Show，呢个系紧要啲嘅。”

而周殷廷可以于红馆开演唱会，而自己不能，他对此都有感到可惜：“我觉得可惜嘅系我嘅歌一路唔够，未够歌去好好地完成咗个Show。呢个系我觉得可惜嘅地方，可能过往𠮶几年喺广东歌上面，数量真系比较少，呢一个亦都系对我嚟讲一个好大遗憾。”

真空期的自我重塑

回顾出道初期的经历，曾比特的音乐之路并非一帆风顺。在凭借《声生不息》爆红之前，他也曾度过一段未被人认识且零收入的艰难岁月。为了全职做歌手，他在发布第一首歌后便辞去了原本的工作：“当我真系要全职做一个歌手嘅时候，咁呢一个行业对我嚟讲系一个新鲜嘅。亦都唔系好知实质嘅操作系点样，咁包括啲好现实嘅问题啦，咁你点样出粮？点样收钱？各样嘢即系你后面点样去？处理你嘅收入全部都系一概好新鲜嘅对我嚟讲，咁所以啱尤其新人年未有咁多人认识嘅时候，呢个都好担心嘅。”

在曾比特过得最艰难时，他感激有家人的陪伴与支持：“我觉得都好彩嘅，就系屋企人support畀咗好多空间我啦，咁亦都好愿意。尤其是妈咪，畀咗句，就系话有啲咩事就返屋企得㗎啦。”有家人在背后支持令曾比特更有信心去闯，他亦为了节省开支，过上了极度节俭的生活：“我个人食嘢好求其嘅，即系平平地一餐一日，可能未必使出去嘅，咁我就喺屋企可能煮面或者落街买啲最平唔知几多𩠌饭就过一日。我就还可以，因为所有嘅一啲对我嚟讲，目标就系我要唱好啲歌。我要做好啲我嘅音乐，练好啲我嘅乐器。”即使生活拮据，他也没有放弃对自己的要求。

在真空期和低潮期，他将所有精力投入到运动中，展开了惊人的“魔鬼特训”：“朝早就食好多，晏昼就食好清淡，夜晚可能饮Protein shake。”凭借惊人的毅力，他在短短三个月内激减了40磅，整个人焕然一新。这不仅是外型上的改变，更是心态上的重塑。

坚持自我不再只做“爆炸头”

除了音乐上的新尝试，曾比特的标志性“爆炸头”也一直是众人关注的焦点。在减肥期间，他曾因为营养流失而导致头发变得脆弱，甚至出现脱发的情况。“男人最忌咩？就系秃头，最惊呢样嘢，最惊甩头发。咁所以我谂去到上年嘅时候，开始feel啲头发冇乜力，咁我都觉得系时候呢个发型要换咁。所以加入新公司，加入英皇嘅时候，呢度系其中一个大家嘅想法嚟嘅，咁如果真系攞走爆炸头，换一个点嘅发型过去好呢？咁就试下就试咗呢个头。”对于这个发型，曾比特表示短期内都不会改变：“我都会拣爆炸头，因为呢一个即系除咗佢系一个发型之外，都系令大家记得我嘅一个印记，但其实我自己系几钟意呢一个，咁但系大家认识我或者大家记得我系因为爆炸头，咁我觉得呢一个系一个已经有一个发型，变成一个signature咁。”曾比特也透露未来或许会在造型上有新突破，展望加盟英皇后的第一年，他充满了干劲。同时他亦透露目前正在积极筹备新专辑，预计收录十首歌曲，当中六首已经完成。

从当初那个辞去工作、靠积蓄追梦的男孩，到如今加盟大型唱片公司、对音乐有著清晰蓝图的成熟歌手，曾比特用他的坚持和汗水，证明了自己的实力。正如他所言：“最紧要系做好自己嘅音乐，唱好每一首歌。”未来的香港乐坛，必定有曾比特更加闪耀的位置。