容祖儿日前作客森美、黄正宜（阿正）及吕珮琳（Elsie）的903节目《BAD GIRL大过佬》，阿正与Elsie当场爆料指：“大哥今日系紧张啲，我明嘅……”森美即时“此地无银”说：“佢哋夹硬屈我紧张！两个系咪傻！”祖儿则帮手打圆场，指森美多年来每次见面态度如一，“咁多年嚟我咁多次见到佢都系咁，不过我从来冇喺佢口入面听过佢对我嘅感觉。

森美公开剖白心动经过：如果追佢，你估我得唔得？

节目中Elsie大爆曾私下问过森美，入行多年见过不少明星，有无试过对哪位女歌手心动过，祖儿惊呼：“唔系啩！”森美随即爆出隐藏多年的秘密，指当年看祖儿第一次做Live show时已被深深吸引：“第一次见你做live show，第一次见到个咁嘅女仔喺台上面表演。我睇完，‘哗’，好正㖞！好靓！𠮶时我同小仪一齐做司仪，我话，呢个女仔得㖞！如果追佢，你估我得唔得吖喇？”

大赞祖儿台上光芒四射 祖儿听后害羞直呼：好似食咗补品咁

面对突如其来的“示爱”，祖儿半信半疑，站起来惊呼：“你系咪讲笑呀！森美！”森美即认真解释，指当年祖儿喺台上散发著独一无二的光芒：“因为冇一个人喺台上有𠮶种shine，有𠮶种开心、青春、可爱，仲要唱得好，你喺台上表现晒出嚟。”更坦言自己一直是祖儿的“迷哥”，只是平时极少提及。而祖儿也害羞得双手摸脸，形容：“哎呀，好开心呀，好似食咗补品咁。”但也顺势吐露心声，指自己似有性格缺憾：“我硬系觉得啲人唔钟意我，而其中一个，唔系话唔钟意，系对我冇乜感觉𠮶个，一定有佢份。”森美：“我系冇讲过畀你听嘅，我同你倾偈又系有啲……er……”见森美居然语塞，阿正与Elsie即取笑：“未见过佢咁做节目㗎！”

容祖儿赞森美“打开胸围” 笑到热要除外套

之后，祖儿也大赞近年森美转型“打开咗心扉”，却不慎口误：“你转咗呢个形象，打开咗个胸围……个胸怀呀！”森美即爆笑说：“系胸怀呀！无错，系爆开咗！”四位笑到拆天，祖儿更一度热到要即场卸下外套。