前港姐岑杏贤今日（10/9）以《慧妍雅集》会长身份现身慈善义卖月饼活动，以实际行动支持公益事业。提到近日应届香港小姐竞选落幕后却掀起不少风波，冠军袁丝珩遭受部分网民无情狠批，甚至被冠上“史前最丑”的难听称号；而季军李泽欣则因在大合照时“趷脚”企位，被批评心胸狭窄、言行过于好胜，引发网民热议。

岑杏贤力撑袁丝珩：一定系靓先会选到香港小姐

作为港姐前辈的岑杏贤，在接受《香港01》访问时表示：“其实每年都真系会有好多唔同声音嘅。每个人都有佢哋自己喜好，亦都系好多人有唔同意见。其实我哋𠮶时我选𠮶届，都系同样有人咁样发生，就算选咗嘅，都会有人话‘你唔配㖞’或者‘你唔适合㖞’。”

对于后辈的处境，岑杏贤表示最关注的是她们的心态管理：“我反而系希望佢哋唔好被呢啲负面情绪影响啦。因为始终佢哋啱啱叫选完，然后有好多的评论时，其实心理素质都会令到自己谂‘系咪自己做错咗？’、‘我系咪做得不够？’佢哋都用咗好多心机去表演、去付出，或者真系想为社会，真系代表香港。所以我反而会关心佢哋嘅心理素质，希望佢哋唔好有呢啲负面情绪影响佢哋。”

被问到当年如何挨过言语暴力，岑杏贤也分享了自己的心路历程：“我𠮶阵时都有唔同声音嘅。但我有时觉得，唔好因为咁样就自我怀疑啦。当然每个人都有自己进步空间，如果系良性、批评嘅，真系想令到你进步嘅，我觉得可以去听吓，或者睇吓自己能力可以去改变、变得更加好，大家都系想改善啫。但如果你话好攻击性、人身攻击，或者真系好侮辱，其实只要自己知道真系冇呢件事发生，就要学识得点样去放开呢个评论。”

对于冠军袁丝珩被部分激进网民狠批为“史前最丑”，岑杏贤则坚定地为对方说话并给予安慰：“我希望可以安慰到今届嘅冠军啦。因为其实过往嘅冠军都曾经有好多唔同声音，有时一啲年份大家都可以看到，话边个嘅冠军唔靓啊，或者好多唔同评论，每届都会有呢啲评论。但我希望今届嘅冠军就真系坚持，理性做返佢应该要做嘅嘢。”

她最后补充道：“一定系靓先会选到香港小姐啦，评判一定系知道佢有佢嘅优势，值得大家欣赏、大家去喜欢佢先会咁做。同埋，其实我哋港姐系越选越靓㗎！所以我希望大家可以俾啲机会，俾啲机会我哋嘅港姐，接受佢哋现时嘅情况。”