昔日港姐唐丽球（波波）今日（10/9）出席慈善义卖月饼活动，身穿便服的她全程笑容满面。她接受《香港01》访问时直言自己非常喜欢参与慈善工作：“好开心啊，我哋真系好高兴可以同老人家或者其他人玩，见到佢哋开心，我自己都好开心！”被问到是否因为有爱她的老公在身边照顾，所以才能时刻保持好心情？唐丽球甜笑认同，并大方分享与老公吴毅将的相处点滴。

唐丽球与老公吴毅将结婚23年恩受如初，一直以来都是演艺圈中的模范夫妻。谈到“御夫术”，唐丽球笑言：“我边有御夫啊？我冇御人㗎！其实我个人真系冇乜脾气，你知唔知？你激得嬲我呢个人呢，系好叻㗎，我谂我冇发脾气都有二十几三十年。好多时大家相处，我都冇乜脾气，所以佢真系好幸福，系因为我佢先咁幸福㗎！”

谈到如何处理夫妻间的矛盾与冲突，她说：“我最钟意呢，就系离开现场！最好㗎，我自己都经常同啲朋友讲，千万唔好正面冲突。因为越闹越伤，越闹，讲啲嘢就越难听！所以我同啲朋友讲，两公婆有冲突，离开现场先，大家停一停。因为每个人性格唔同嘛，好似佢以前性格好火爆，老咗就收咗好多啦，依家顺晒、收晒火，收晒皮，哈哈。”

唐丽球续说：“佢后生真系好火，有次喺隧道中间，唔知人哋点样迫佢，佢可以停喺隧道中间唔开车，走落去想去闹人，后面啲车系咁砵佢佢都唔理！当时我都好惊出事。所以经验话我知，千万唔好同一个火爆嘅人喺佢最火爆嘅时候去嘈或者冲突，系会火上加油。等大家冷静返，或者返到屋企先再慢慢讲，佢就会接受。”

谈老公常在内地工作，会否担心有诱惑：“女人？我反而唔惊㖞！我反而惊佢一个人喺外面有事，惊佢火爆同人嘈，反而我唔惊女人，因为我好明白，如果一个男人喺出面要玩，你点样管呢？我哋要互相信任。我一早已经同佢讲：‘我一次不忠，百次不容！我好信任你，你都要好信任我，我唔会 Check 你，亦唔会问你咁多，但如果你要走或者揾到第二个，你一定要同我讲，我唔会留你。’大家清清楚楚，但唔好瞒住我！如果瞒得到，OK 我唔知道就算，但瞒唔到就要讲。我唯一嘅要求就系信任，我唔会问咁多，只要知佢安全、返到酒店报个平安就得㗎啦。”