关嘉敏昨日（10日）担任长者慈善歌唱比赛活动嘉宾，上台表演唱《梦伴》氹老友记，近日同为《女神配对计划》女神的李芷晴，被传与“甜品界王嘉尔”拍拖，关嘉敏就指自己未知是否属实，不过在朋友聚会中见过对方，大赞他是个细心的好男仔，所以若果二人真的拍拖，她会祝福。讲到新一季《女神配对计划2》，观众觉得参赛男士普遍高级，但Carmen今届却不能落场，她未会感到可惜，认为能帮眼都开心，并估计郭珮文（Juliana）最快出Pool！

上届《女神配对计划》中，李芷晴未有著落，但近日就有传她暗挞，有“甜品界王嘉尔”之称的西班牙蛋糕品牌总厨黄达文Ricky Wong，并结伴睇show。Carmen大赞Ricky：“我都觉得个男仔几好，不过我唔知佢哋系咪一齐，亦唔知系咪暧昧紧，大家都要俾啲空间佢。但系我系见过个男仔真人，几靓仔真系，唔错，如果系真嘅我都祝福，如果唔系真嘅，我都希望可以祝福佢哋。”她透露在梁敏巧生日会上见过对方，认为小细节中能看到他的细心之处：“佢会好take care身边嘅人，即使男定女，‘啊，佢要纸巾呀。’呢度又拎𠮶度又拎，佢会夹嘢俾人，我哋唔系好熟佢都会好主动去做，所以我觉得李芷晴都系笋盘，你都可以考虑吓，我好似企咗喺男仔𠮶边添，唔系，其实我都系企喺你度嘅，Step（李芷晴），我觉得都可以了解吓，唔错㗎！”

李芷晴疑似出Pool成功，但Carmen目前仍然单身，讲到外界认为今届参赛者比上届高质，不过关嘉敏却无缘落场，会否感到可惜，她说：“唔可惜呀！我觉得咁样落场都几开心，可以帮大家去拣男朋友，或者第时嘅老公，系要经过我哋呢一步，我觉得我好大嘅作用。”不过她直言自己眼光较为独特，但幸好林盛斌（Bob）、江美仪帮手，笋盘一定走唔甩。至于觉得今次哪位女神最快出Pool，Carmen睇好郭珮文（Juliana）及陈若思（Amber）：“我开头自己睇海选名单都好多人拣佢（Juliana），第二个系Amber。我觉得Julianna虽然佢唔系好出声，但系你同佢熟咗，有安全感，佢就会好多嘢讲，所以我觉得你打开咗佢呢度就已经成功咗一大半；Amber就本身平时古灵精怪，佢自己拍好多片，好outgoing，我觉得呢啲都系几吸引男性。”