王菲日前宣布接受男友张子丯求婚，人逢喜事神采飞扬。今日（14/9）她出席无线热播剧集《死有对证》的宣传活动时，特别身穿一袭极度贴身的性感瑜伽服亮丽登场，瞬间成为全场焦点。

王菲在接受《香港01》访问时笑言，今天的打扮纯属意外：“因为今日要做瑜伽，大会分发畀我嘅瑜伽衫好紧，我一着上身都吓一亲，心谂：‘死啦，点解咁细件嘅？’所以我都要即刻拉高少少。”她透露平日鲜少挑战这类火辣造型：“因为呢件衫我系未试过，今日系第一日著。本身系谂住要做瑜伽，但因为件衫实在太紧，所以都系着返件外套。”

被问到未婚夫张子丯会否介意她穿着过于性感，王菲大方表示对方作风非常开放：“佢唔会介意嘅，佢好open-mind。因为佢自己都系做幕前，所以好清楚我哋做幕前要展现自己最好、最靓嘅一面畀大家睇。而且之前拍剧时佢都知我有性感演出，佢都觉得完全冇问题。”

对于私下的穿着风格，王菲则坦言私底下极度随性：“我出街简直系‘颓着’，通常都系T-shirt加长裤，好少穿短裤，所以基本上唔需要担心我会过份暴露。我哋两个出街仲会戴埋Cap帽同眼镜，有时连妆都唔化就落街食饭，最紧要舒服。”

问到婚后是否做少奶奶，王菲强调自己绝不会考虑退居幕后：“我绝对唔会淡出！我好钟意工作，希望大家互相进步。佢有佢嘅事业，我都有自己嘅美容品牌同演艺工作，我哋更计划一起经营YouTube Channel。如果叫我婚后做全职家庭主妇，我会觉得好无聊，我一定要有属于自己嘅事业！”