HOY全新实况选秀节目《我要做主播》由八月至今，参赛者由初赛到十六强，再到十二强，赛事逐渐白热化。两位主持方健仪与陈启泰一直引领参赛者发挥最佳水准，而曾任新闻主播嘅Akina方健仪多次亲身示范，亦令网民大赞专业，而参赛者之一嘅一蚊Joe游莨维步入12强后突然宣布退选，就知道新闻主播实在不简单，留下来必定系精英中嘅精英。

“一蚊Joe”游莨维入12强突退选

一直视坐上主播台为目标的Joe突然退选，他说：“今次最大得着就系抱住学习嘅心态，成日觉得自己好似好有经验，今次引证咗我过往嘅经验，唔系话冇用，但要再努力啲。主播台系我嘅梦想，始终做咗20年𠮶个节目，都未试过坐主播台，奈何呢个系一个比赛，最后嘅冠军坐得上主播台，我希望各位观众都觉得佢系实至名归。”其他参赛者就表示惊讶，十二强之一的陈欣茵说：“因为我哋之前都系同一队，加上今年好多节目一齐拍，所以我觉得佢要走，好似痛失咗𠮶队友。”陈可期就反而说开心：“本来我哋喺淘汰4个，而家确定咗有一个系‘伪被淘汰’，所以得返三个名额，感觉上惊慌程度缩细咗，拜拜Joe！”彭绰熙就对Joe说战场上再见：“今次我代你参战，我会攞埋你个名额晋级。”

方健仪赞学员换件衫即可报新闻

《我要做主播》首播时，Akina示范读一篇难度极高嘅模拟新闻稿，结果吸引大批网民参与“读稿挑战”，连外籍人士都以广东话读稿，成功掀起热话。及后她在节目中示范突发新闻报道，被赞是完美示范。两位主持又带参赛者参观新闻部，大家都表现得兴奋又期待，既想观光猎奇，又想乘机向前辈偷师。Akina说感觉怀念：“我觉得好似以前带一班实习同学，认识录影厂究竟点运作，因为我都一把年纪，见到佢哋咁青涩同雀跃，觉得有啲时光倒流，睇返我啱啱加入新闻部嘅日子，所以系一个几好嘅回忆。”Akina又赞参赛者表现：“有一啲真系可以去返工㗎喇！海选期间我已经话，呢个直头可以换件衫就去报新闻。可能系因为佢哋本身嘅职业，有啲系做主持，有啲有新闻底，所以已经有概念同触觉，加埋我哋经过咁多轮比赛，由海选，30强，到晋级12强，经过咁多重磨练之后，佢哋而家系专业中嘅专业，返工都大把人请。”陈启泰也说：“睇佢哋咁多个礼拜嘅蜕变，一路脱壳，真系有进步。我觉得一定要态度好，因为做主播唔简单，同做艺人范畴唔同，主播嘅知识层面要广阔啲。（嚟紧有咩训练同挑战？）完全唔知，要开工前一日先知考试内容，连我都唔讲。”

节目又邀来导师余琦琪、麦诗敏、丘静雯、伍家谦，在各个范畴都分享很多自己心得给予一班参赛者，余琦琪说：“我准备咗以前成日会遇到嘅虾碌嘢，提点佢哋唔好犯错，因为上到主播台，咩都有可能发生。”麦诗敏说：“我教佢哋主播台上嘅技巧，同对镜头贴士，另外提佢哋唔好‘食螺丝’，因为费事重蹈我之前嘅覆辙。”丘静雯就说：“我教咬字，发音要清晰准确，𠮶日大部份学员表现都唔错。”伍家谦也说：“我知道佢哋将来可能有机会要自己做故仔，可能有机会出去采访，就攞返少少之前自己采访嘅经验，点样问问题，点样好好展现一个意念或者做一个故仔。”