艺人罗天宇今日（17日）到大围出席铅笔义卖大行动启动礼。他接受《香港01》访问时透露，透露自己之前虽未曾亲身到尼泊尔等贫困地方探访，但一直听闻相关状况：“之前听过唔少探访分享，已经感受到当地嘅状况，所以好想亲身去实地睇一下。（你眼唔眼浅？）我实喊，尤其啱啱尼泊尔发生泥石流，伤亡惨重，听到都心酸。”罗天宇希望可以带点欢乐给当地的儿童，同呼吁大家多捐款，给当地小朋友一个就学机会。

心疼女友悬崖式减肥

问到会否与女友陈懿德（德德）同行？罗天宇直言好提议，指女友能挨得苦，见对方最近为《香港小姐》和《玄战》努力减肥的成果，减到好像变了另一个人，觉得很厉害，“我觉得佢为咗工作，或者有意义嘅事，佢系唔怕辛苦。”问到见女友瘦了那么多是否很肉赤？他承认：“都有少少，但同时都畀到动力我，因为我嚟紧都有演唱会要准备，自己都减紧肥。不过佢减肥嘅速度真系‘悬崖式’咁样！可以一整日都唔食嘢，就算食都食得𠮶少少，甚至连水都唔系好饮！”

罗天宇更爆料，女友因为工作时多穿裙子，担心喝水要频繁跑洗手间觉得麻烦，所以经常硬撑到工作结束才肯补水，“我有闹过佢㗎！我话你身体唔可以咁样，做完嘢先饮水系唔行嘅，所以我时时都会话佢。”

赞女友不输昔日前度

问到会否叫女友帮手减磅？罗天宇笑言女友减肥时经常把东西吃两口就不吃，剩下的食物最后全都落入他肚子里，导致他自己的减肥进度相对地慢一点。

问到女友是否因为被网民攻击颜值不及他以往的前度，所以加把劲减肥？罗天宇Man爆说：“冇冇冇！佢不嬲对自己都好有信心，而我都觉得佢好好，佢而家系fit到，以前可能PO相喺IG都要修吓图，现在完全唔使，直出！真系我一个好好嘅学习对象。（随时可影结婚相？）我未ready，要再减瘦少少先，我而家喺佢身边好似一只熊咁。”在你心中德德是否最靓？罗天宇即时甜笑回应：“当然啦！”

认储“老婆本”有结婚计划

罗天宇早前公开认爱，问两人现时拍拖是否放松许多？罗天宇表示：“其实之前我哋都会周围去，睇吓戏、食吓饭，对我哋嚟讲分别唔系好大，都唔想避避掩掩。（而家可以喺街上情到浓时锡锡？）比较少。”笑指他之前在红馆门外都情不自禁揽住女友，罗天宇解释只是因为现场人多，加上女友身材“纸咁薄”，担心她被撞倒才稍微护着对方。

对于麦玲玲大赞二人是“互旺”对方的上等姻缘，罗天宇笑言开始努力工作赚钱“揾老婆本”：“男人都系想照顾好屋企，好彩而家细佬教高尔夫球，都叫稳定，可以一齐合理照顾妈妈，就分担少一份。至于婚事……都要储多啲钱先。（今年内得唔得？）咁要储多啲钱㖞，希望嚟紧有更多收入，快啲成到呢件事。多谢大家祝福，我哋会畀心机。（前度苟芸慧都祝福你？）系咩，多谢，我都祝福佢！”